«Astana» fýtbol klýby úshinshi kezeńde Maltanyń «Valletta» komandasymen kezdesedi. Elordalyqtar pleı-offtyq kezeńine shyǵyp jatsa, bosnııalyq «Saraevo» nemese Belarýstiń BATE komandalarynyń birimen sheberlik baıqasady.
Úshinshi kezeń oıyndary 8 jáne 15 tamyzda, al pleı-off básekesi 22 jáne 29 tamyzda ótedi. Elordalyqtar birinshi kezdesýdi óz alańynda oınamaq. Alda-jalda «Astana» jeńiske jetip jatsa, kelesi aınalymdy da «Arenadan» bastaıdy.
Buǵan deıin «Astana» klýby BATE-men bir márte kezdesken bolatyn. 2016 jyly Eýropa lıgasy aıasynda ótken oıynda astanalyqtar óz alańynda 2:0, syrt alańda 2:2 esepterimen jeńiske jetken edi.
