Aımaqtar • 08 Tamyz, 2019

Temir tulparlar dúbiri

74 ret kórsetildi

Eki myń jyldan astam tarıhy bar kóne Taraz shahary­nan ejelgi jádigerlerdi ǵana emes, ertedegi kólikterdi de kóptep kezdestirýge bolady. Búginde kóne jádiger esepti saqtalyp qalǵan kólikter qymbat sanalady.

Jýyrda Taraz qalasyn­daǵy «Jastar» alleıasynda alǵash ret kóne avtokó­lik­terdiń kórmesi ótip, halyq ne túrli keremetterge kýá boldy. Atalǵan shara­ny Jambyl oblysynyń ákim­digi men «Djıp klýb Taraz» toby birlese uıymdas­tyr­ǵan. Munda eski temir tul­par­lardan bas­tap, sońǵy úl­gidegi óte qymbat kólikterdiń jıyntyǵyna deıin qoıyldy.

Uıymdastyrýshylardyń aı­týynsha, atalǵan kórmege sha­har­daǵy eń ádemi degen 50-ge jýyq avtokólik já­ne onshaqty motosıkl arna­ıy tańdalyp alyn­ǵan eken. Bir ǵajaby, markasy jaǵynan birinen-biri ótken temir tul­parlar kórmege kelý­shi­lerdi qyzyqtyra tústi. Tipti kórmeni tamashalaýshylar ózderine unaǵan kóliktiń janynda fotoǵa túsip, olardy qyzyqtap jatty. Aıta ketý kerek, reseılik «Brıgada» serıalyndaǵy kólikter de atalǵan kórmeden tabylyp, kópshiliktiń tańdanysyn týdyrdy. Sonymen qatar kórme uıymdastyrýshylary sonaý soǵys jyldarynan beri kóne jádiger retin­de saq­talyp kelgen avto­kólik­terdi de kóptiń aldyna shyǵardy.

«Djıp klýb Taraz» toby­nyń múshesi Evgenıı Dýıýnov festıvalǵa 50-ge jýyq temir tulpar qatysqanyn, olardyń arasynda «Brıgada» serıa­lynda boı kórsetken «Gaz-21» («Volga»), sonymen qatar Lincoln Town Car avto­kólikteriniń de bar eke­nin aıtady. «Sondaı-aq qalyń jurt­shylyqqa Ekinshi dúnıe­júzilik soǵys zamanyna kýá bolǵan kólikter de tanystyryldy. Sonyń biri – Ford GPW avto­kóligi. Ony kólik ıesi kórmege evakýa­tormen ákeldi. Kún kózine shaǵy­lysqan «Mersedes» pen avto­áýes­qoılardyń qyzyǵýshy­lyǵyn týdyrǵan «BMW» avtokó­ligin de dál osy jerden taptyq», deıdi óz sózinde Evgenıı Dýıýnov.

Taǵy bir erekshelik, kór­mege qoıylǵan kólikterdiń ishin­degi eń kónesi «GAZ – 67» avtomashınasy bolyp shyq­ty. Bul temir tulpar­dyń ıesi Ábdýjálıl Qurbanov esim­di azamat eken. Osy ýa­qyt­qa deıin 20 avtokólik quras­tyrǵan ol munda onyń altaýyn ákelipti.

 

Jambyl oblysy

 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar