Kıno • 08 Tamyz, 2019

«Qap-qara adam» baıqaýǵa qatysady

116 ret kórsetildi

Otandyq kınorejısser Ádilhan Erjanovtyń «Qap-qara adam» kartınasy halyqaralyq kınobaıqaýda baq synamaq. Atalǵan týyndy 2019 jyldyń 20-28 qyrkúıegi aralyǵynda ótetin álemdegi eń kóne «A» klasty kınofestıvaldardyń biri – 67-shi San Sebastian International Film Festival jobasynyń negizgi konkýrstyq baǵdarlamasyna qatysady.

Bul – Short Brothers jáne Arizona Pro­duc­tions kompanııa­larynyń qaty­sýy­­men Astana Film Fund kompanııa­sy ja­sa­ǵan kartınanyń álemdik premera­sy. Fılmde basty rólderdi Danııar Al­shınov pen Dınara Baqtybaeva oınaıdy.

– «Qap-qara adam» – ómirdiń túrli synaqtarynda ózgerip, qaıta adam bolatyn keıipker týraly fılm. Týyn­dyǵa arqaý bolǵan oqıǵa talaı ret aıtylyp, sandaǵan sıýjetke ar­qaý bolyp júrgenimen de, men úshin bul taqyryp qashanda qyzyq. Ár­da­ıym tolǵandyryp júrgen ózekti máse­lelerdiń sanatynda. Janr boıynsha jikteıtin bol­saq, meniń fılmim – antı-detektıv», deıdi tól týyndysy jó­ninde kınorejısser Ádilhan Erjanov.

Esterińizge sala keteıik, atalǵan kartına ótken jyly Almaty Film Festival kınobaı­qaýy aıasynda ótken pıtchıng joba­larynyń jeńimpazy atan­ǵan bolatyn. Fılm pro­dıý­ser­­leri – Aqan Sataev pen Er­­nar Qurmashev, kompozı­tory – Ǵalymjan Moldana­zar. Ssenarııdi jasaý úshin Ádil­han Erjanov pen nıder­lan­­dtyq Rolof Iаn Mınne­boo bir­lese jumys istedi.

Otandyq ónimniń kınobaı­qaý­dan top jaryp, elge oljaly oralýyna tilektespiz.  

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar