Basqa basylymdardan
Juma, 1 naýryz 2013 7:55«Altylyq» pen Irannyń kelesi kezdesýi Ystambulda ótetin boldy. Ol 17-18 naýryzda sarapshylar deńgeıinde uıymdastyrylady dep josparlanyp otyr. Oǵan qosa, kelissózder 5-6 sáýirde Almatyda jalǵasatyn bolady. Bul jóninde Irannyń Ulttyq qaýipsizdigi joǵary keńesiniń hatshysy Saıd Djalılı jarııa etti.
Juma, 1 naýryz 2013 7:55
«Altylyq» pen Irannyń kelesi kezdesýi Ystambulda ótetin boldy. Ol 17-18 naýryzda sarapshylar deńgeıinde uıymdastyrylady dep josparlanyp otyr. Oǵan qosa, kelissózder 5-6 sáýirde Almatyda jalǵasatyn bolady. Bul jóninde Irannyń Ulttyq qaýipsizdigi joǵary keńesiniń hatshysy Saıd Djalılı jarııa etti.S.Djalılı óziniń sózinde Irannyń ıadrolyq baǵdarlamasy jetkilikti deńgeıde móldir ekenin de atap kórsetti. Iran MAGATE-men yntymaqtastyǵyn jalǵastyrady, biraq atalǵan uıymmen jumys kelissózder barysynda belgilengen sheńber aıasynda aıqyndalady, dedi ol óziniń sózinde.
Irannyń Ulttyq qaýipsizdigi joǵary keńesiniń hatshysy Saıd Djalılı Qazaqstan Prezıdenti Nursultan Nazarbaevqa «altylyqpen» kelissózderdi uıymdastyrǵany úshin rızashylyǵyn bildirdi. Qonaqjaılyq tanytylǵany jáne kelissózderdiń osy kezeńin ótkizýge jaǵdaı týǵyzylǵany úshin rahmetimdi aıtamyn. Ultqa tabys tileımin. Joǵary mártebeli Qazaqstan Prezıdenti Nursultan Nazarbaevqa osy kelissózderge erekshe nazar aýdarǵany úshin rahmet, dedi sársenbi kúni ótken brıfıngte kelissózderdiń qorytyndylary jóninde aıta kelip S.Djalılı.
О́z kezeginde Eýroodaqtyń ókili Ketrın Eshton da Qazaqstan tarapyna kelissózderdi uıymdastyrǵany úshin rızashylyǵyn bildirdi. Biz qonaqjaılyq tanytqany úshin Qazaqstan Úkimetine rızamyz. Bizdiń jumysymyzǵa barlyq jaǵdaıdy jasap, kúsh-jiger jumsaǵan adamdarǵa da aıtar alǵysymyz sheksiz. Biz osynda qaıta oralatyn ýaqytty asyǵa kútemiz, dedi ol.
Irannyń ıadrolyq baǵdarlamasy boıynsha ótkiziletin kezdesýlerde óńirlik yntymaqtastyq máselesi de talqylanatyn bolady, dep málimdedi sársenbi kúni ótken brıfıng kezinde Iran delegasııasynyń basshysy, Irannyń Ulttyq qaýipsizdigi joǵary keńesiniń hatshysy Saıd Djalılı.
Bizdiń Ystambuldaǵy, Baǵdattaǵy jáne Máskeýdegi kelissózderimiz barysynda biz ilgeriletken usynystardyń biri ıadrolyq máselelermen qatar, óńirlik yntymaqtastyq jaıy boıynsha da kezdesýler ótkizý boldy. Solardyń biri Sırııa jáne Bahreın máselelerine arnaldy, dedi Iran delegasııasynyń basshysy.
Al 26-27 aqpan kúnderi Almatyda Irannyń ıadrolyq baǵdarlamasy problemasyna baılanysty ótken kelissózderdiń kezekti kezeńinde naqty bir sheshim qabyldanbasa da, taraptar tarapynan ózara túsinistikke degen umtylys baıqaldy.
Irannyń ıadrolyq baǵdarlamasy boıynsha Almatyda 26-27 aqpanda ótken kelissózder Iran men halyqaralyq bitimgershiler toby arasyndaǵy ózara túsinistikti nyǵaıtýǵa ózindik bir úles qosty. Qazaqstan, kelissózderge tikeleı qatysýshy bolmasa da, olardy jemisti ótkizýge barlyq ońtaıly jaǵdaılar jasaýǵa umtyldy. Qazaqstan taraptardyń kelissózderdi jalǵastyryp qana qoımaı, problemany tek beıbit, dıplomatııalyq jolmen sheshý qajet degen ustanymyn qýattaı otyryp, kelesi kezdesýdi málimdelgen merzimde Almatyda qabyldaýǵa daıyn ekenin bildirdi.
Eske sala ketsek, «altylyq» (Reseı, AQSh, Qytaı, Ulybrıtanııa, Fransııa jáne Germanııa) pen Irannyń kezdesýi qorytyndysynda alda turǵan máselelerdi 18 naýryzda Ystambulda sarapshylar deńgeıinde qarastyrý jónindegi ýaǵdalastyqqa qol jetkizilse, kelissózderdiń joǵary deńgeıdegi kelesi kezeńin 5-6 sáýirde Almatyda ótkizý belgilendi.
Qytaı delegasııasynyń basshysy, QHR Syrtqy ister mınıstriniń kómekshisi Ma Chjaosıýı sársenbi kúni kelissózder barysynda oń nátıjelerge qol jetkizilgenin jarııa etti. Taraptar bir-birine oń kózqaras tanytyp qana qoımaı, Irannyń ıadrolyq problemasyn sheshý josparyna qatysty ashyq-jarqyn pikir almasty, dedi Qytaı delegasııasynyń basshysy.
Ma Chjaosıýı Qytaı BAQ-taryna bergen suhbatynda taraptar arasynda aldaǵy kelissózderden oń nátıje kútýge alǵashqy qadam jasaýǵa múmkindik beretin ońtaıly ahýal qalyptasqanyn atap kórsetti. Sondaı-aq, ol Qytaı jaǵy problemany beıbit jolmen sheshýge oń yqpal etý úshin kúsh-jiger tanytyp kele jatqanyn kóldeneń tartty. 2006 jyly Qytaı «altylyq» mehanızmine qosylsa, ótken jyly «altylyq» pen Iran arasyndaǵy únqatysýdyń tórt raýndyna qatysty, dedi ol.
