Bul jóninde Qoǵamdyq qabyldaý bólmesi ótkizgen májiliste partııa fılıaly tóraǵasynyń birinshi orynbasary Beısen Tájibaev málimdedi. Arys qalalyq máslıhatynyń hatshysy, máslıhat depýtattary, qurylysqa jaýapty mekeme basshylary, partııa belsendileri qatysqan májiliste qalpyna keltirý jumystarynyń barysy oblys ákimi men «Nur Otan» partııasynyń únemi nazarynda ekeni aıtyldy. Búginde jarylystan zardap shekken qalany qalpyna keltirý keste boıynsha júrgizilýde. Biraq búgingi tańda úı ıeleriniń kelisim bermeýine baılanysty 53 baspanada qurylys bastalmaǵan. Bul oraıda B. Tájibaev turǵyndardyń talap-tilegin tyńdap, ótinishteri eskeriletinin aıtyp ótti.
Májilisten soń partııa belsendileri qaladaǵy 9, 12 sektor jumysyn baqylap, turǵyn úılerdi aralady. Aıta ketelik, Arys qalasynda turǵyn úı sany – 8634. Tótenshe jaǵdaıdan keıin jóndeý jumystaryn qajet etetini - 7197, al 433 baspana tolyq qalpyna keltirilmek. Sonyń ishinde jańadan 420 jeke turǵyn úı men 3 kópqabatty úıdi qaıta soǵý jumystary júrgizilýde.
Túrkistan oblysy
