Búginde áleýmettik-ekonomıkalyq, saıası-qoǵamdyq ózgerister beleń alǵan shaqta jan-jaqty bilikti mamandar qajettigi kún sanap kóbeıýde. Qazirgi zaman-adamdy ózgelerdiń mádenıeti men tilderin tez qabyldaı biletin jan-jaqty tulǵa bolýy shart. «Polıglot» baıqaýynyń negizgi talaby da osy kóp tildi jetik meńgerý bolyp tabylady.
Baıqaý eki kezeńnen turdy. Birinshi irikteý kezeńi, bul kezeńge qatysý úshin baıqaýǵa qatysýshy úsh tildi jetik meńgergen bolýy tıis. Baıqaýdyń alǵashqy tapsyrmasy «tanystyrý» dep atalady, bul tapsyrmada saıyskerler ózderin úsh tilde tanystyrdy. Ekinshi tapsyrma «Termınder -aýdarmalar» dep atalyp, bul tapsyrmany baıqaýǵa qatysýshylar jazbasha túrde oryndady. Bul tapsyrmany oryndaýda baıqaýǵa qatysýshylardyń qazaq, orys jáne aǵylshyn tilin bilý deńgeıi men saýatty jazýy synǵa tústi.
«Ekranda berilgen qazaq halqynyń salt-dástúrine, turmysy men mádenıetine baılanysty suraqtarǵa qazaq tilinde jaýap berý» atty úshinshi tapsyrma boıynsha qatysýshylar jazbasha túrde berilgen termın sózderdiń qazaq jáne aǵylshyn tilindegi aýdarmalaryn aıtyp berdi. Sońǵy tapsyrmada baıqaýǵa qatysýshylar «ekranda berilgen tótenshe jaǵdaılar termınderiniń qazaq, orys jáne aǵylshyn tilderindegi nusqalaryn aıtý» boıynsha jarysty.
Qyzý saıysta birinshi oryndy Edigeev Ádilhan, ekinshi oryndy Italmas Madına jáne úshinshi oryndy Erjanov Sarsenbek jáne Júzbaev Bıbarys ıelendi.
Mańǵystaý oblysy Tótenshe jaǵdaılar departamenti kadr saıasaty bóliminiń bastyǵy azamattyq qorǵaý podpolkovnıgi Anara Týsına baıqaýǵa qatysýshylardy dıplomdarmen jáne syılyqtarmen marapattady.
Baıqaýdyń jeńimpazdary qyrkúıek aıynda Kókshetaý qalasynda ótetin respýblıkalyq kezeńge joldama aldy.
Mańǵystaý oblysy
