Mınıstr bilim berý salasynda rotasııa júıesin engizý jáne kadrlar rezervi ınstıtýtyn qurý qajet dep sanaıdy. О́ıtkeni mektep basshylyǵyndaǵy adamdardyń kópshiligi 5-10-20 jyl úzdiksiz jumys isteıdi, olardy almastyratyn adam tappaı keıde qınalady. Osy rette mınıstr mektep dırektorlarynyń jalaqysyna da toqtaldy.
«Sanatqa qaraı, jalaqysy da ózgeredi. Máselen, úshinshi sanattaǵyǵa qosylatyn syıaqy 30 prosent bolsa, ekinshi sanat 50-ge jýyq, al birinshi sanat 100 prosentti qamtýy múmkin. Jaqsy nátıje kórsetken mektep dırektorlaryn biz yntalandyrýymyz kerek. Al qazir jumys nátıjesi qandaı bolmasyn, barlyq dırektor birdeı jalaqy alady», dedi mınıstr.
Muǵalimderdiń mártebesine qatysty mınıstr tıisti zań jobasynyń daıyn bolǵanyn jáne biraz ýaqytta ol Májiliske usynylyp, jaqyn arada Parlament qabyrǵasynda talqylanatynyn aıtty.
«Bul zań jobasynda tıimdi sharalar qarastyrylǵan. Memleket basshysynyń tapsyrmasy boıynsha muǵalimderdiń jalaqysyn ár tórt jyl saıyn kóterip otyrý kerek, sonymen qatar tálimgerlik, synyp jetekshiligi jáne taǵy basqasyna qosymsha aqylar qarastyrylǵan», deıdi mınıstr.
Sondaı-aq bul zań jobasynda muǵalimdi nemese pedagog qyzmetkerdi basqa jumysqa tartý, qajet emes esepterdi jasatý syndy zańbuzýshylyqtar anyqtalyp jatsa, oǵan ákimshilik aıyppuldar qarastyrylǵan.
ALMATY
