Qala turǵyndarynyń aıtýynsha, Qurylysqa qajetti tas shyǵaratyn kásiporyn kópten beri eldiń esin shyǵarǵan. Zaýytqa qatysty san márte shaǵym tastaǵanymen, másele sheshilmeı keledi. Kúni keshe qala ákimimen kezdesýge kelgen naýryzbaılyqtar problemany taǵy kóterdi. Bul týraly aýdan turǵyndarynyń qala ákimimen kezdesýinde belgili boldy.
Al qala ákimi Baqytjan Saǵyntaev bolsa, sol kúnnen qaldyrmaı Almaty oblysynyń ákimimen sóılesip, sheshý jolyn qarastyratynyn aıtqan bolatyn.
«Karer Aqsaı» JShS bas tehnology Anatolıı Groshenkovtyń aıtýynsha, qoldarynda tıisti organdardyń zaýyttyń qyzmetin júrgizýge bergen ruqsat qujattary bar. «Zaýyt qurylǵan tusta bul mańda birde bir úı bolmaǵan. Qazir halyq qonystanyp ketti. Olarǵa eshqandaı qıyndyq týǵyzyp otyrǵan joqpyz», deıdi ol turǵyndarmen kezdesken kezde.
Almaty qalasy Naýryzbaı aýdany ákiminiń orynbasary Asylhan Orynbekovtyń aıtýynsha, Aqsaı karerin jabý týraly aǵymdaǵy jyldyń shilde aıynda Almaty qalasy men Qarasaı aýdany ákimdiginiń mamandary kezdesip, 1-1,5 aı ishinde sheshim qabyldanatynyn aıtqan.
Ázirge turǵyndarǵa sabyrlyq tanytyp, biraz shydaýǵa týra keledi. Sebebi, Qarasaı aýdany ákimdiginiń naqty qandaı sheshim shyǵarary áli belgisiz.
ALMATY
