Oıyn alańy Sankt-Peterbýrg qalasynda arnaıy tapsyrys boıynsha jasalǵan túrli keshendi mehanızmdermen jabdyqtalǵan. Olar erekshe balalardyń damýyna oń áser tıgizedi dep esepteıdi demeýshiler.
Balqash qalasynyń ákimi Oraz Táýirbekov munyń «Rýhanı jańǵyrý» baǵdarlamasy boıynsha júzege asyrylyp jatqan tórtinshi iri joba ekenin atap ótti.
– Balalarǵa barlyq jaǵdaıdy jasaý – bizdiń memleketimizdiń basym baǵyttarynyń biri. Bizdiń mindetimiz – árbir balaǵa baqytty bolashaq tartý etý. Bul oıyn alańy erekshe qajettilikteri bar balalardyń damýyna, olardyń qorshaǵan ortaǵa beıimdelýine ıgi áserin tıgizedi,- dep atap ótti qala basshysy.
Aıta ketý kerek, jobany qarjylandyrǵan «Qońyrat» korporatıvtik qorynyń «Úlken Júrek» damý jáne áleýmettik beıimdelý ortalyǵyna kórsetip otyrǵan bul alǵashqy kómegi emes. Munyń aldynda olar atalǵan ortalyqqa jańa ǵımarat salyp bergen bolatyn.
Qaraǵandy oblysy
