Qala basshysy keıbir júrgizýshilerdiń avtoparkte túneıtinderin aıtyp, onyń saldary qıyn jaǵdaılarǵa aparýy múmkin ekenin jetkizdi.
Onyń aıtýynsha, avtoparkterde bilikti júrgizýshilerdiń tapshylyǵy baıqalady. Sondyqtan da olar júrgizýshi bolýǵa nıet bildirgen kez kelgen adamdy jumysqa qabyldaýǵa májbúr.
«Avtoparkter barlyǵyn jumysqa qabyldaı beredi. О́ıtkeni júrgizýshi tapshy», dedi qala ákimi.
Sonymen qatar, Baqytjan Saǵyntaev qalada avtobýstar da jetispeıtinin atap ótti. Alaıda, ol bul másele boıynsha jumys jasalyp jatqanyn, jaqyn arada qalada jańa 200 avtobýs paıda bolatynyn habarlady.
Eske sala keteık, budan buryn ál-Farabı dańǵyly men Shyǵys aınalmaly jolyndaǵy jyldamdyqty qaıtadan saǵatyna 80 shaqyrymǵa ózgertý josparlanǵany habarlanǵan.
Bul týraly qala basshysy óziniń áleýmettik jelidegi paraqshasynda jazǵan edi.
ALMATY
