Oblys ákimi Qýanyshbek Ysqaqov atalmysh memorandýmnyń halyqtyń ál-aýqatyn arttyrýdaǵy mańyzdylyǵyn atap ótti.
«Statıstıkalyq aqparatqa qarasaq, búgingi kúni Qyzylorda oblysynyń jeke sot oryndaýshylarynyń oryndaýynda alıment óndirý sanaty boıynsha 7 myń 474 óndiris bar. Onyń 733-i oryndalýy qıyndyq týǵyzatyn alımentter qatarynda. Tájirıbe kórsetkendeı, balalardy tárbıeleý men qamtamasyz etý boıynsha negizgi áleýmettik júkteme kóbine áıel-analardyń moınyna túsetinin bilemiz. Sondyqtan búgin biz osy máseleni sheshý boıynsha úshjaqty kelisimge qol qoıdyq», - dedi oblys ákimi Qýanyshbek Ysqaqov.
Memorandým aıasynda taraptar bir-birine alımentti qasaqana tólemeıtin azamattardy anyqtaýǵa jáne olardan bereshekti óndirip alýǵa járdemdesýge mindettenedi. Budan basqa, taraptar alımentterdi óndirip alýdyń tıimdiligin arttyrý maqsatynda is-sharalar keshenin qamtıtyn birlesken is-qımyl josparyn qabyldady.
