Taldyqorǵannyń iri qara malyna qytaılar qyzyǵyp otyr

• 24 Tamyz, 2019

Taldyqorǵannyń iri qara malyna qytaılar qyzyǵyp otyr

203 ret kórsetildi

Demek, endi kún shyǵystaǵy kórshilerimiz Taldyqorǵannyń iri qara malyn ózi baǵyp, etin Qytaıǵa ózi eksporttamaqqa nıet tanytyp otyr.

Aodekang qytaı kompanııasynyń Qazaqstandaǵy seriktesi Tursynǵalı Alagózovtiń aıtýynsha, bul kezdesý qytaı tarapynyń ótinishi boıynsha uıymdastyrylǵan. Sebebi QHR Qazaqstannyń eti men et ónimderine qatty qyzyǵýshylyq tanytyp otyr eken.

Gúlbarshyn AITJANBAIQYZY

Almaty oblysyna eki kúndik saparmen Qorǵas qalasynyń basshysy, memlekettik kommýnıstik partııasy «Qorǵas» ekonomıkalyq damý aımaǵy komıtetiniń orynbasary Jeńis Hadıs bastaǵan Qytaı Halyq Respýblıkasynyń bir top kásipkerleri keldi. Bul týraly aqparat TINFO jelilik agenttiginde jarııalandy.

Almaty oblysynyń kásipkerlik jáne ındýstrıaldy-ınnovasııalyq damý basqarmasynyń habarlaýynsha, delegattar birinshi kúni oblys ákiminiń orynbasary Baǵdat Manzorov bastaǵan jergilikti atqarýshy organdardyń ókilderimen kezdesti. Al kelesi kúni sheteldik qonaqtarǵa Taldyqorǵan ındýstrıaldy aımaǵynyń ınvestısııalyq múmkindikteri men áleýeti, sondaı-aq birqatar áleýmettik-mádenı mańyzdaǵy nysandar tanystyryldy.

Sondaı-aq, Almaty oblysynyń О́ńirlik damý ortalyǵynda Aodekang qytaı kompanııasy men «Jetisý» ÁKK» AQ-tyń qatysýymen Almaty oblystyq kásipkerlik jáne ındýstrıaldy-ınovasııalyq damý basqarmasynyń ókilderi kezdesti.

Aodekang qytaı kompanııasynyń Qazaqstandaǵy seriktesi Tursynǵalı Alagózovtyń aıtýynsha, bul kezdesý qytaı tarapynyń ótinishi boıynsha uıymdastyrylǵan. Sebebi QHR Qazaqstannyń eti men et ónimderine qatty qyzyǵýshylyq tanytyp otyr eken. Kezdesýde keıbir jobalardyń iske asyrylý jaıy, sonyń ishinde mal bordaqylaý oryndarynyń, jem-shóp daıyndaıtyn zaýyttyń qurylysy, iri qara men usaq maldyń jeke tuqymdary seleksııasy, mal baǵý máseleleri talqylandy.

Esterińizde bosla, osy jyldyń shilde aıynda Taldyqorǵanda quny 7 mlrd teńge bolatyn maıly daqyldardy óńdeıtin zaýyt pen quny 6 mlrd teńgeden asatyn et kombınaty salynady. Almaty oblysynyń kásipkerlik jáne ındýstrıaldy-ınnovasııalyq damý basqarmasynyń habarlaýynsha, «TKMZ» JShS (ósimdik maıy, shrottar jáne qurama jem óndiredi) Taldyqorǵanda maıly daqyldardy óńdeıtin zaýytty iske qospaq. Zaýyt qurylysyna 92 adam jumyldyrylyp, paıdalanýǵa berilgennen keıin qosymsha 110 jańa jumys orny ashylady. Kásiporynnyń jobalyq qýaty jylyna 7 mlrd teńgeni quraıdy. Bul zaýyt 2019 jyldyń aıaǵyna deıin y paıdalanýǵa berilmek. Budan basqa, Qazaqstan-Qytaı birlesken Longyuan Jetysu kásiporny bıylǵy jyly «Taldyqorǵan» ındýstrııalyq aımaǵynda et kombınatyn iske qosýdy josparlap otyr. «Jobaǵa QHR kompanııasy Longyuan qatysady. Kombınatty 250 adam paıdalanady. Bul — jańa jumys oryndaryn qurý», dep atap ótti Almaty oblysynyń kásipkerlik jáne ındýstrıaldy-ınnovasııalyq damý basqarmasy.

Kompanııa et kombınatyn salýǵa 6 mlrd 88 mln teńge jumsamaq. Jobanyń qýattylyǵy jylyna 16 myń tonna sıyr etin quraıdy. О́nim Qytaıǵa eksporttalady dep boljanýda. Aıta keteıik, «Longyuan Jetysu» JShS BK-daǵy mal sharýashylyǵy salasyn damytýmen jáne aýyl sharýashylyǵyn ındýstrııalandyrýmen aınalysatyn Qytaıdyń Longyuan kompanııasynyń úlesi 80%-dy, qazaqstandyq «Dos-Jetisý» JShS úlesi 20%-dy quraıdy.

ALMATY

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz