«Statıstıkalyq málimetterge súıensek, Nur-sultan jáne Almaty qalalarynyń, sondaı-aq Almaty men Qaraǵandy oblystarynyń turǵyndary jyljymaıtyn múlikti tirkeý qyzmetterin belsendi paıdalanǵan. Atap aıtsaq, 2018 jyldyń 30 shildesinen bastap 2019 jyldyń 31 shildesine deıin Almaty qalasy men Almaty oblysynda 228 myńnan astam ótinish tirkelgen, elorda turǵyndarynan 209 myńnan astam jáne Qaraǵandy oblysynan 157 myńnan astam ótinish kelip túsken», delingen habarlamada.
Al Qyzylorda (58 myńnan astam ótinish), Atyraý (62 myńnan astam ótinish) jáne Mańǵystaý (73 myńnan astam ótinish) oblystarynda jyljymaıtyn múlikti tirkeý qyzmetine degen suranys tómen.
Aıta keteıik, kórsetkishterdi esepteý kezinde quqyqtyń paıda bolýy, derekterdiń ózgerýi, aýyrtpalyqtarǵa jáne ekinshi deńgeıdegi banktermen kelisim shartqa otyrý boıynsha ótinishter eskerildi.
«Búginde jyljymaıtyn múlikti qysqa merzimde rásimdeýge bolady. Bas-aıaǵy 3 jumys kúni ishinde múligińizdiń tirkelgeni týraly mórtabasy bar qajetti qujat qolyńyzda bolady. Degenmen, biz azamattardyń ómir súrý sapasyn jaqsartý maqsatynda bul qyzmetti odan ári ońtaılandyryp, aldaǵy ýaqytta tirkeý ýaqytyn 1 kúnge deıin qysqartýdy josparlap otyrmyz», – deıdi memlekettik korporasııa tóraıymy Ásemgúl Baltasheva.
Jyljymaıtyn múlikti tirkeýge ótinishti «Azamattarǵa arnalǵan úkimet» jáne notarıýstar arqyly berýge bolady.
