Oqys oqıǵaǵa baılanysty jedel shtab quryldy. «Qazir teatr ǵımaratynyń shatyry, elektr jelileri men syrtqy qasbetin qalpyna keltirý, ishki árleý jumystary júrip jatyr»,-deıdi oblystyq qurylys basqarmasynyń basshysy Málik Amanov. Tótenshe jaǵdaıdan keıin aımaqtaǵy mádenıet mekemeleriniń qyzmetkerleri, jergilikti turǵyndar arnaıy senbilik uıymdastyryp, teatr ishin tazalaý jumystaryna qatysty. О́rtten keıingi jasalyp jatqan jumystardy teksergen oblys ákimi Nurlan Noǵaev qys maýsymy túskenshe teatr ǵımaratyn qalpyna keltirý jumystaryn aıaqtaýdy tapsyrdy.
- Qazir nysanda 22 kompanııa jumys istep jatyr. Olar teatrdy óz qarajattaryna jóndep berýge bastama kóterdi. О́ner ordasy tolyqtaı jeke ınvestısııalar esebinen qalpyna keltiriledi,-deıdi oblys ákiminiń birinshi orynbasary Serik Shapkenov.
Teatr ǵımaraty bıyl ǵana kúrdeli jóndeýden ótip, mamyr aıynda paıdalanýǵa berilgen bolatyn.
ATYRAÝ
