«Jyl basynan beri qoǵamdyq qabyldaý bólimine 3539 azamat júgindi. О́tinishterdiń jalpy sanynan 47,3 paıyzy oń sheshimin tapty, qalǵan 52,7 paıyz ótinishter boıynsha keńestik kómek kórsetildi. Bul baǵyttaǵy jumystar odan ári jalǵasa bermek» dedi Nur Otan partııasy QOF tóraǵasynyń birinshi orynbasary Jańabaı Bısembaev. Sondaı-aq, Nur Otan partııasynyń saıası keńesinde alǵashqy jartyjyldyqta atqarylǵan jumystar aıtyldy. Bul depýtattyq fraksııanyń qyzmeti, jemqorlyqtyń aldyn-alý sharalary, partııalyq baqylaý men komıssııa otyrystarynyń qorytyndylary bolatyn.
«Jemqorlyqpen kúres isine, ásirese, jastardy tartýdyń mańyzy óte zor. Bul turǵyda bizdiń bilim ordamyzda aýqymdy ister tap aıtqanda, «Adaldyq alańy», «Adal ustaz», «Adal jastar» jobalary atqarylýda. Sybaılas jemqorlyq – qoǵam ómiriniń bar salasyna tamyr jaıǵan indet. Onymen kúresýge jastardy da meılinshe tartýdamyz» dedi Qostanaı oblystyq máslıhatynyń depýtaty, QMÝ rektory Alma Dosjanova.
Máslıhat depýtattarynyń halyqpen keri baılanysy odan ári kúsheıe túspek. Áleýmettik jelilerde azamattardyń aryz-talaptary men máselelerin tyndap sheshýde jedeldilik tanytý maqsatynda ony jańa ádis-tásil turǵysynan uıymdastyrý kózdelip otyr. Oblys ákimi, Nur Otan partııasy QOF tóraǵasy Arhımed Muhambetov Elbasy anyqtap bergen 7 baǵyt arqyly partııa jumysyn qaıta jandandyrý aıasynda jastarǵa, ásirese, aýyl jastaryna jaǵdaı jasaý, aýyldyq jerlerden jumys oryndaryn ashý, kóp balaly ana, múmkindigi shekteýli azamattar, basqa da áleýmettik toptarǵa naqty kómek kórsetý boıynsha júıeli jumys atqarý kerektigin atap aıtty.
«Qazir elimizde jan-jaqty jańǵyrý baǵdarlamasy júzege asyrylýda. Onyń basty maqsaty – Qazaqstannyń álemniń eń damyǵan otyz eliniń qataryna qosylýyn qamtamasyz etý. Osy rette Nur Otan partııasy Elbasynyń saıası tiregi retinde jańǵyrýdyń negizgi qozǵaýshy kúshine aınalýy tıis» dedi Arhımed Begejanuly.
Qostanaı
