Shara «Azamattyq bastamalardy qoldaý ortalyǵynyń» memlekettik grantymen uıymdastyrylǵan. «Jastar uıymdarynyń tájirıbe almasý jáne netvorkıng jobasy» atty basqosýǵa «Bolashaq» qaýymdastyǵy bastamashy bolypty. Bul jıynǵa batysqazaqstandyq jastar serkelerinen bólek, Atyraý, Aqtóbe jáne Aqtaý qalalarynan kelgen 18 ben 29 jas aralyǵyndaǵy 200-deı jas qatysty. Is-sharany Batys Qazaqstan oblysy ákiminiń orynbasary Amanjol Alpysbaev quttyqtaý sóz sóılep ashty.
- Bul kezdesý maǵan unady. Erkin formatta, master klass túrinde ótip jatyr. Jastar shaı iship, jaqyn tanysyp, aqparat almasýda. Ár óńirdiń óz erekshelikteri bar ǵoı. Mysaly, Aqtóbede «Jasyl el» jasaǵy Oraldaǵydaı úsh aı emes, jyl boıy júrgiziledi eken. Áriptesterimnen kóp jańalyqty estip bilip jatyrmyz. Men bul jıynǵa «Atameken» UKP janyndaǵy «Jas kásipker» degen jobanyń atynan qatystym. Buıyrsa, óz kásibimdi bastaımyn, atele ashqaly jatyrmyn. Mundaı jıyndardyń biz sekildi jastardyń kásibı ósýine, tájirıbe jınaýyna kómegi kóp, - deıdi oraldyq Dınara Esenalına.
«Bolashaq» qaýymdastyǵynyń atqarýshy dırektory Laýra Demesinovanyń aıtýynsha, jastar basqosýynda talqylanǵan túrli jobalar taıaýda bir kitapqa jınaqtalyp, jyl aıaǵyna deıin búkil Qazaqstanǵa, jastarǵa taratylmaq.
Is-sharaǵa «Bolashaq» qaýymdastyǵynyń atqarýshy dırektory Laýra Demesinova, «Bolashaq» korporatıvtik qorynynyń dırektory Saltanat Tumanbaeva, GR-kenesshisi Nurlan О́teshev, «Arnaý» damý ortalyǵy» qoǵamdyq birlestiginiń tóraǵasy, baılanys mamany, bloger Ulan Ábishev, kásipker, Oral qalasyndaǵy stýdentter Alıansynyń vıse-kóshbasshysy Merjan Ábilqas jáne basqalary qatysty.
Jastar qyzyǵa talqylaǵan ıdeıanyń biri – oraldyq bir top jastar uıymdastyrǵan zań kómegi áleýmettik jelisi. Bul jelige zań keńesin qajetsingen kez kelgen adam onlaın habarlasa alady. Jobajetekshisi Álisher Qýanyshalıevtiń aıtýynsha, qurylǵanyna jarty jyldaı bolǵan jeli Startup Bolashak joba baıqaýynyń fınalyna shyqqan.
Netvorkıng jáne jastar uıymdarynyń tájirıbe almasý jobasynyń maqsaty – is-sharalardy uıymdastyrýda, memlekettik organdarmen jumys jasaýda tıimdi aqparat pen tájirıbe almasý úshin aımaqtardaǵy ÚEU jastaryna qoldaý kórsetý isi ó maqsatyna jetti deýge bolady. Shara aıasynda «Jastar ÚEU-nyń turaqty damýy men tıimdiligin arttyrý» atty sheberlik sabaǵy, «ÚEU + bıznes = jastarǵa arnalǵan múmkindikter» atty aımaqtyq konferensııa, «Jastar saıasatynyń ózekti trendteri» atty trenıng, «Jastarǵa arnalǵan áleýmettik jobalardy iske asyrý» atty semınar uıymdastyryldy. Jastar BQO boıynsha «Keleshek» jastar keńesiniń tóraıymy Álfııa Jaqsyǵalıeva men Oral qalasyndaǵy stýdentter alıansynyń vıse-kóshbasshysy Samat Raqymǵalı jetekshilik etken kópshilik sharalarǵa belsene qatysty.
Batys Qazaqstan
