Bıyl da bilim kúnine oraı, Jambyl aýdanyna qarasty Asa aýylyndaǵy «Báıterek» shaǵyn aýdanynda jańa turǵyn úı paıdalanýǵa berildi. Oǵan Jambyl oblysynyń ákimi Asqar Myrzahmetov arnaıy qatysyp, páter ıelerine kiltterdi saltanatty jaǵdaıda tapsyrdy. Al bul baspana turǵyndarǵa arendalyq negizde berilip otyr. Páterler negizinen kóp balaly jáne tolyq emes otbasylarǵa berildi.
Asa aýylynda barlyǵy 18 otbasy qonys toıyn toılaýda. Aýdandyq bıýdjetten qarastyrylǵan qarjyǵa boı kótergen qurylysty «Bınom» jaýapkershiligi shekteýli seriktestigi júrgizgen. Joba quny 146,9 mıllıon teńgeni quraıdy.
Oblys boıynsha kóp balaly otbasylardy turǵyn úımen qamtamasyz etý maqsatynda ústimizdegi jyldyń birinshi jarty jyldyǵynda 120 kóp balaly otbasyna páter kilti tapsyrylǵanyn aıta keteıik. Onyń 93-i arendalyq úı bolsa, 27-si demeýshiler esebinen berildi. О́ńirde jyl sońyna deıin 493 kóp balaly otbasyn turǵyn úımen qamtamasyz etý josparlanǵan bolatyn.
Sondaı-aq turǵyn úı kezegi kelgenge deıin kóp balaly otbasylardyń turǵyn úı máselesin ýaqytsha sheshý úshin 612 páterli 12 jataqhana qurylysyna tıisti qarajat qarastyrylyp, jyl sońyna deıin paıdalanýǵa beriledi dep kútilýde. Sonymen qatar «Nurly jer» baǵdarlamasy aıasynda ústimizdegi jyly barlyǵy 17,6 mıllıard teńgege 30 kópqabatty 2 118 páterli turǵyn úıdiń qurylysy júrgizilip, jyl sońyna deıin 28 kópqabatty 1988 páterli turǵyn úıler paıdalanýǵa beriletin bolady.
Jalpy, Konstıtýsııa kúni jáne Bilim kúni merekelerine oraı, oblys boıynsha 800-ge jýyq páterdi quraıtyn 11 kópqabatty turǵyn úı paıdalanýǵa berildi. Onyń 9-y Taraz qalasynda bolsa, 2-eýi Jambyl jáne Talas aýdandaryna tıesili.
Jambyl oblysy
