Almaty ákimdiginiń baspasóz ortalyǵynda ótken brıfıngte Sport basqarmasynyń basshysy Rústem Baıseıitov atalǵan sharanyń «Qazaqstan Jastar Fest» respýblıkalyq chellendj aıasynda ótetinin habarlady.
«Almaty chellendjdi Nur-Sultannan qabyldady.Biz ózimizden soń ony Qazaqstannyń batysyndaǵy qalalardyń birine tapsyramyz», - dedi R. Baıseıitov.
Baspasóz konferensııasyna qatysqan tanymal kásibı boksshyQanat Islam jastardy belsendilikke, salaýatty ómir saltyn qalyptastyrýǵa shaqyrdy.
«Biz qashanda jastarǵa qoldaý kórsetemiz jáne sporttyń kóshe túrlerin damytýǵa yqpal etemiz», - dep atap ótti Q. Islam.
Almaty Urban Fest 7 qyrkúıekte tańǵy saǵat 10-00-de bastalady. Streetball, Workout, Armwrestling, kásibıler arasynda rolıkten, áýesqoılar men kásibıler arasynda samokattan, skeıtbordtan jarys sekildi sport túrlerinen irikteý kezeńderi ótedi.
