«Búgingi otyrys búkil elimiz úshin óte ózekti shara boldy dep aıtýǵa tolyq negiz bar. Shynynda da osy keńestiń tóraǵasy, Memleket basshysy Qasym-Jomart Toqaev qazirgi tańda qoǵamymyzda talqylanatyn máselelerge jaýap berdi. Bul óte úlken alań. Degenmen, búgin alǵashqy otyrysy ótti jáne birneshe otyrystan keıin naqty nátıje bolady dep senemiz. Sol úshin Prezıdenttiń ózi bul alańdy, keńesti basqarady. Menińshe, keńes músheleriniń aıtqan oılary, pikirleri óte oryndy. Osy ýaqytqa deıin de bul máselelerdi áleýmettik jelilerde talqylaǵan edik. Endi, mine, osy máseleler prezıdenttik deńgeıge shyǵyp otyr. Biz alǵashqy kezdesýden keıin birneshe naqty usynysty tobymyzǵa joldaǵan edik. Ony búgin Aıdos Sarym Prezıdentke jetkizdi», dedi M. Spotkaı.
