Saparbaı PARMANQUL,
«Egemen Qazaqstan»
Búgingi kúni jaıqalǵan baýdyń ón boıynan tanıtynyńyz kerim kúzdiń óńirge ózindik kelbet ala kelgeni boldy. Aldymen ózgeristi ýyljı pisken dolanaly jaǵalaý sekildi ózgeshe áspet beretini qyjym boıaýly taldardan ańǵarar edińiz.
Sodan alystaǵy aýyl esińizge túsedi. Bıik taýdyń kózge ottaı basylatyn ańǵarly etegi kózdiń jaýyn alǵandaı. Myna jıektegi kórikti aǵashtardyń bári derlik dolana aǵashy.
Ádette dolana taýly aımaqtarda jıi kezdesedi. Tabıǵatta myńnan astam túri bolǵanymen, onyń 200-ge jýyǵy ǵana keń taraǵan, dolana aǵashynyń bıiktigi 2-8 metr bolyp keledi. Japyraqtarynyń uzyndyǵy 6 santımetrdeı bolyp sýdyrlap, jaıqalyp tur.
Dolananyń barlyq suryptary kóktemde qalyń gúl shashady. Gúlderi qyzyl, aq, qyzǵylt bolyp keledi. Jol boıyna egilgen jas kóshetteri jeti jyldan keıin ǵana jemis berdi. Dolana aǵashynyń Almaty qalasy sııaqty tez lastanatyn shaharlarǵa egý óte tıimdi. Kezinde bıolog mamandar óte tıimdi keńes bergen boldy. Bul ósimdiktiń shań men gazǵa tózimdiligin jáne aýa tazartatyn qasıetin jaqsy baǵalaǵanyn ańǵartyp otyr. О́ıtkeni saıabaqtyń shetki qatarlary túgelimen osy dolanaly jaǵalaý bolyp keledi. Kezinde atalarymyzdyń «dolana egińder» dep qadap aıtqany da sodan eken ǵoı.
ALMATY
