Jaıaý júrginshiler joly, balalar alańqaıy men jaryqtandyrý. Bul – Baým toǵaıynyń basty problemalary. Dál osy olqylyqtar jaqyn kúnderi sheshimin tappaq. Tipti, saıabaq aımaǵynyń syzbasy da daıyn. Aýdan bıligi qalpyna keltirý jobasyn, jan-janýarlarǵa zııan tıgizbeı júzege asyrmaq.
Sondaı-aq, Baqytjan Saǵyntaev ekinshi gaz taratý stansasynyń jumysymen tanysty. Turǵyndar osy ýaqytqa deıin gazdyń ısine tunshyǵyp jatyrmyz dep shaǵymdanǵan bolatyn. Qala ákimi tez arada stansa jumysyn jolǵa qoıyp atalǵan olqylyqtyń ornyn toltyrýdy tapsyrdy. Tıisinshe, «QaztransGazAımaq» gaz tazartatyn qosymsha súzgi ornatypty. Sonymen qatar, GRS-2 qýatyn Almatydan tys jerge kóshirý jáne stansany gaz taratý pýnktine aınaldyrý da josparlanýda.
Atalǵan bastamany júzege asyrý barysynda 3750 úıdi gazben qamtamasyz etýge múmkindik beredi.
Odan ózge Baqytjan Saǵyntaev Aınabulaq mańyndaǵy saıda ornalasqan jekemenshik úılerge de nazar aýdardy. Ondaǵy qurylys zań talaptaryna jaýap bermeıdi. Qala ákimi atalǵan problemany óz baqylaýyna alatynyn jetkizdi. Odan keıin, ákim Úlken Almaty Arnasyn da aralap, nysandy kúrdeli jóndeýden ótkizý qajet degen tapsyrma júktedi.
Keler jyldyń mamyr aıynan bastap oǵan sý jiberilmek.
Almaty
