Bizdiń qorymyzda kóptegen qundy jádigerler jınalǵan. Munda aty ańyzǵa aınalǵan rejısser Sergeı Eızenshteınniń kamerasy bar. Sondaı-aq murajaıǵa Sultan Qojyqovtyń «Qyz Jibek» fılmindegi Jibek pen Tólegenniń kıimderi, Asanáli Áshimov pen Soı Gýk Inniń -«Shoqan Ýalıhanov» fılmindegi Saǵı Áshimovtyń kostıými, Rústem- Ábdirashevtiń «Qazaq handyǵy», Altyn taq» jáne Aqan Sataevtyń «Tomırıs» syndy kınotýyndylarda qoldanylǵan kostıýmder qoıylǵan. Al murajaıdyń maqtanyshy – Sháken Kenjetaıuly Aımanovtyń qaıta jasaqtalǵan jumys kabıneti. Munda qazaq kınosynyń klassıgi – Sháken Aımanovtyń áýestikpen jınaǵan kolleksııasy men ózi qoldanǵan jeke zattary qoıylǵan.
Is-shara barysynda QR Ulttyq banki ókili murajaı qoryna Sháken Aımanovtyń 100 jyldyǵyna jáne qazaq anımasııasynyń 50 jyldyǵyna oraı shyǵarylǵan nomınaldary 500 teńgelik eki eskertkish kúmis monetalardy tapsyrady. Sondaı-aq murajaı qoryna «Qazposhta» AQ «Qazaq anımasııasyna 50 jyl» taqyrybynda shyǵarǵan poshtalyq markany syıǵa tartatyn bolady.
ALMATY
