Qazaqstan Prezıdenti sútti taǵamdar óndiretin fermanyń tolyq aınalymdaǵy jumysymen tanysyp, astyq jınalyp jatqan egistik alqabyn aralap shyqty jáne mehanızatorlarmen áńgimelesti.
Nysandy aralaý barysynda Soltústik Qazaqstan oblysynyń ákimi Qumar Aqsaqalov Memleket basshysyna óńirdiń agroónerkásip kesheniniń damýy týraly baıandady.
Kásiporyn dırektory Gennadıı Zenchenko Memleket basshysyna óndiriletin ónimder men ótkizý naryǵy, sonyń ishinde taýardyń Reseıge eksportqa shyǵarylýy jóninde aıtty. Ol sondaı-aq kompanııanyń aýyldyq okrýgtegi áleýmettik salany damytýǵa zor kóńil bólip otyrǵanyn málimdedi.
Qasym-Jomart Toqaev kásiporynnyń jumysyn men ekonomıkalyq jáne áleýmettik mindetterdi sheshýge qosqan úlesin joǵary baǵalady.
