Máselen, Moldova Respýblıkasy Parlamentiniń tóraıymy Zınaıda Grechanyı bastaǵan delegasııamen kezdesýde parlamentaralyq yntymaqtastyqty nyǵaıtýǵa basa nazar aýdaryldy. N.Nyǵmatýlınniń aıtýynsha, elderimiz arasynda saıası únqatysý, saýda-ekonomıkalyq jáne mádenı-gýmanıtarlyq qatynastar qarqyndy damyp keledi.
Al Qatar Konsýltatıvıik keńesiniń tóraǵasy Ahmad ben Abdalla ben Zaıd Ál Mahmud bastaǵan delegasııamen júzdesýde N.Nyǵmatýlın mártebeli meımanǵa rızashylyq bildire kelip, bul forým Eýropa men Azııa memleketteriniń parlamentteri arasynda jan-jaqty dıalog ornatýǵa, ózara senimdi kúsheıtýge, parlamentaralyq yntymaqtastyqty odan ári tereńdetýge jol ashatynyna senim bildirdi.
Sondaı-aq osy kúni Májilis Spıkeri Iordanııa Hashımıt Koroldigi Halyq jınalysy О́kilder palatasynyń tóraǵasy Atef Ál-Taraýn jáne Oman Ash-Shýra Madjlısiniń tóraǵasy Halıd Hılal Nasser Ál-Maaýalı bastaǵan delegasııany qabyldady. Májilis Tóraǵasy atap ótkendeı, Iordanııa – Qazaqstannyń Taıaý Shyǵystaǵy mańyzdy áriptesi.
Taraptar keleshekte de barlyq saladaǵy ózara tıimdi baılanystardy belsendi túrde ulǵaıtýǵa, halyqaralyq kún tártibindegi ózekti máseleler boıynsha ustanymdardy úılestirýge, ekijaqty qatynastarymyzdyń quqyqtyq negizderin nyǵaıtýǵa birlese qoldaý kórsetýge nıetti ekenderin bildirdi.
Májilis Spıkeri Nurlan Nyǵmatýlın Halıd Hılal Nasser Ál-Maaýalımen júzdesýde Oman tarapynan jasalǵan joǵary deńgeıdegi alǵashqy sapar ekenine basa nazar aýdaryp, ony Qazaqstanǵa degen erekshe qurmet retinde baǵalady. Barlyq kezdesýlerde taraptar eki eldiń áriptestigin kúsheıtýde parlamentter róliniń zor ekenine kóńil bólip, zań shyǵarý boıynsha jan-jaqty tájirıbe almasýdyń mańyzdylyǵyna toqtaldy.
Kezdesý sońynda mártebeli meımandar arnaıy shaqyrý úshin alǵystaryn jetkizdi.
