Úkimet basshysy Qytaı parlamentiniń basshylarymen «Nurly jol» qazaqstandyq baǵdarlamasy jáne «Bir beldeý – bir jol» qytaı bastamasy aıasyndaǵy yntymaqtastyqtyń keleshegin, onyń ishinde Qazaqstannyń tranzıttik-kólik áleýetin damytý máselesin talqylady.
AHQO basqarýshysy Q.Kelimbetov Qazaqstan Premer-Mınıstri men BHО́J TK tóraǵasyn «Bir beldeý – bir jol» bastamasy aıasyndaǵy AHQO jumysymen, sondaı-aq AHQO bırjasynyń, soty men halyqaralyq arbıtraj ortalyǵynyń damýymen tanystyrdy.
«AHQO – Qazaqstannyń iri jobalarynyń biri. Ol aımaqtaǵy jetekshi qarjy ortalyǵyna aınalýy tıis», dedi A.Mamın óz sózinde.
QHR atynan AHQO-ǵa qatysýshy – Qytaı qurylys bankiniń, Shanhaı qor bırjasynyń, «SITIK sekıýrıtız» kompanııasynyń, Qytaı Memlekettik damý bankiniń ókilderi AHQO alańyndaǵy Qazaqstan-Qytaı yntymaqtastyǵynyń jaı-kúıi men perspektıvalary týraly, onyń ishinde qytaı ıýanymen operasııalar júrgizý úshin Esepteý-klırıng ortalyǵyn qurý jaıly aıtyp berdi.
