О́ńir basshysy Ǵalı Esqalıev Joldaýda jarııalanǵan baǵyttar Aqjaıyq óńiri turǵyndary tarapynan erekshe qoldaýǵa ıe bolǵanyn aıtty. Sonymen birge qundy qujatta kórsetilgen baǵyttar boıynsha mindetterdi aıqyndap, iske asyrý joldaryn naqtylady.
– Memleket basshysy Qasym-Jomart Toqaev saılaýaldy baǵdarlamasynyń negizgi baǵyty etip kórsetken sabaqtastyq uǵymynyń mánin taǵy bir márte kórsetti. Elbasy saıasatynyń zańdy jalǵasy retinde Qazaqstan halqyna alǵashqy Joldaýyn jarııalap, Prezıdentimiz negizgi basymdyqty áleýmettik saıasatqa, kásipkerlikti damytýǵa jáne halyqtyń ál-aýqatyn kóterýge baǵyttalǵan mańyzdy memlekettik baǵdarlamalardy iske asyrýǵa arnady. Joldaýda elimizdiń turaqty damýy, ekonomıkalyq ósimi, halyqtyń densaýlyǵy men biliminiń sapasy, áleýmettik qorǵaý, rýhanııaty men mádenıetiniń damýy qamtylǵan, – dedi óz sózinde Ǵalı Esqalıev.
Oblys ákiminiń aıtýynsha, óńirde azamattardyń barlyq ótinish-tilekterin jedel ári tıimdi qarastyrý, turǵyndardy qabyldaý júıeli jolǵa qoıylyp keledi. Azamattardyń memlekettik organdarmen tikeleı baılanysyn ornatý, ózekti máselelerin jedel túrde sheshý maqsatynda oblystyq deńgeıde toqsan saıyn «Ashyq ákimdik» sharasy uıymdastyrylady. Jyl basynan beri «Ashyq ákimdik» sharasy 5 ret ótkizilip, nátıjesinde 3 myńnan asa adam ózderiniń ótinishteri men usynystaryn bildirýge múmkindik aldy. Bul tájirıbe qazirgi ýaqytta jalǵasyn taýyp, Oral qalasy men barlyq aýdandarda júzege asyrylýda.
– Bizdiń ortaq mindetimiz – azamattardyń barlyq konstrýktıvti saýaldaryn jerde qaldyrmaıtyn «Halyq únine qulaq asatyn memleket» konsepsııasyn iske asyrý. Qazaqstan Prezıdenti qoıyp otyrǵan osy mindetti oryndaýǵa azamattyq qoǵamdy jumyldyrý mańyzdy, – dedi óńir basshysy.
Ǵalı Esqalıevtiń aıtýynsha, óńirde túrli deńgeıdegi máslıhattardyń sheshimimen beıbit sherýler men mıtıngilerdi ótkizý úshin 22 oryn bekitilgen. Onyń beseýi – Oral qalasynda. «Biz azamattardyń zańdy pikiri men talaptaryn bildirýine jaǵdaı jasaýymyz kerek. Biraq kez kelgen zańsyzdyq pen quqyq tártibin buzýǵa jol berilmeıdi», dedi oblys ákimi.
О́ńir basshysy óz sózinde oblystyń búgingi áleýmettik-ekonomıkalyq jaı-kúıine toqtalyp, Joldaýdan týyndaıtyn tapsyrmalardy jedel oryndaý qajettigin aıtty. О́ńirlerdi damytýdyń berik negizderiniń biri retinde Prezıdent atap ótken týrızm salasyn damytý úshin qajetti ınfraqurylym júrgizý, sonyń ishinde jol salyp, bilikti mamandar daıyndaýdy qamtamasyz etý qajet. Bir táýiri, Batys Qazaqstan oblysy boıynsha týrıstik oryndardy tamashalaýǵa kelgen adamdardyń sany ótken jylmen salystyrǵanda 18,4% kóbeıgen. О́ńirdegi kıeli oryndardyń týrıstik marshrýttary, oblystyń ınteraktıvti kartasy dasssıyndaldy. Bókeı Ordasy tarıhı-ólketaný mýzeı-qoryǵy, «Jumaǵazy Haziret» kesheni, «Alash Orda» mýzeıiniń 3D-modeldi vırtýaldy týrlary jasaqtaldy. «Atalǵan oryndarǵa ınfraqurylym tartý máselesi qolǵa alynýda.
Aktıv jınalysynda óńirdiń san-salaly máseleleri ashyq qozǵaldy. Sóz alǵan eńbek ardageri, salalyq mádenıet jáne sport qyzmetkerleri kásipodaǵy fılıalynyń tóraǵasy Aıdar Batyrhanov, Mahambet О́temisov atyndaǵy Batys Qazaqstan memlekettik ýnıversıtetiniń oqytýshysy, saıasattanýshy Pavel Dobrıaev, oblystyq «Qoǵamdyq kelisim» kommýnaldyq memlekettik mekemesi dırektorynyń orynbasary Jamal Ihsanova, «Aqjaıyq – adaldyq alańy» jobalyq keńsesiniń jetekshisi Álııa Salıeva, «ASAD» jeke kásipornynyń dırektory Aqbar Jaqsyqulov jáne basqalary Memleket basshysynyń Joldaýyn bir kisideı qoldap, oblys turǵyndaryn Prezıdent naqtylap bergen baǵyt-baǵdardy júzege asyrýǵa shaqyrdy. Aktıv jınalysy aıtylǵan pikirler men usynystar boıynsha qaýly qabyldady.
Batys Qazaqstan oblysy
