Atalǵan baǵytta atqarylyp jatqan jumystar týraly «Atameken» UKP Basqarma tóraǵasy A. Myrzahmetov, Eńbek jáne halyqty áleýmettik qorǵaý mınıstri B. Nurymbetov, Aýyl sharýashylyǵy mınıstri S. Omarov, Indýstrııa jáne ınfrqurylymdyq damý mınıstri B. Atamqulov, Qarjy mınıstri – Premer-Mınıstrdiń birinshi orynbasary Á. Smaıylov jáne Premer-Mınıstrdiń orynbasary B. Saparbaev baıandady.
«Eńbek» memlekettik baǵdarlamasy boıynsha «Jas kásipker» jobasy aıasynda aǵymdaǵy jyldyń 22 shildesi men 5 qyrkúıegi aralyǵynda respýblıkanyń 200 mektebinde 18,3 myń jastar men kóp balaly otbasylardyń ókilderi oqytyldy. «Bastaý» jobasy boıynsha oqytylǵan 15 myń adamdy esepke alǵanda, 33,3 myń jumyssyz jáne ózin-ózi jumyspen qamtyǵandar qamtyldy, onyń ishinde — 29 jasqa deıingi kóp balaly otbasylardyń 600-den astam músheleri.
Aǵymdaǵy jyldyń 1 qyrkúıegindegi jaǵdaı boıynsha 2019 jyly bitirýshilerdiń jalpy sanynan 2360 adam shaǵyn nesıeler aldy, 5431 adamǵa granttar berildi. О́ńirler boıynsha eń jaqsy kórsetkishter Pavlodar (70%), Shyǵys Qazaqstan (61,5%) jáne Qyzylorda (61,2%) oblystarynda baıqalady.
Qostanaı oblysynda jergilikti qamtý úlesiniń eń joǵary kórsetkishi jıhaz jáne azyq-túlik satyp alýda – 40%, jeńil ónerkásipte – 21% quraıdy. Qurylys materıaldary salasynda eń joǵary kórsetkish Aqtóbe jáne Pavlodar oblystarynda 19% quraıdy.
Aýyldyq eldi mekenderdi nesıelendirýge 59,8 mlrd teńge (72%) baǵyttaldy. Jyl basynan beri barlyǵy 9 433 mıkrokredıt berildi (49,6%), onyń ishinde aýyldyq jerlerde – 8 450 nemese jyldyq jospardyń 50,7% (16,7 myń). Aýyldaǵy mıkrokredıtterdiń ortasha mólsheri 3,8 mln teńgeni, al qalalarda – 11,1 mln teńgeni quraıdy.
«Búgin talqylanǵan “Bastaý-Bıznes”, “Jas kásipker”, shaǵyn kredıt berý jobalarynyń iske asyrylý máseleleri halyqtyń jumyspen qamtylýymen tyǵyz baılanysty. Bul – Elbasy men Memleket basshysynyń alǵa qoıǵan basty mindetterdiń biri. Osy jumystyń jaqsy nátıjelerin kórip otyrmyz. 2019 jyldyń ózinde ǵana 5 myńnan astam azamat óz isin ashyp, 8,5 myń jumys ornyn qurdy», — dedi A. Mamın.
Úkimet basshysy «Bastaý-Bıznes» jobasyna qatysýshylardyń sanyn ulǵaıtyp, bıznesin ashqandar nemese keńeıtkender sanyn 20-dan 30%-ǵa deıin jetkizý máselesin pysyqtap, shaǵyn nesıe jáne grant berý boıynsha kózdelgen barlyq josparlardyń oryndalýyn jedeldetýdi, jergilikti qamtý boıynsha bekitilgen ındıkatorlardy oryndaýdy, zańnamanyń jáne ndýstrııalyq sertıfıkat pen «ST-KZ» sertıfıkatynyń talaptarynyń oryndalýyn qamtamasyz etýdi, sondaı-aq, kvazımemlekettik sektor sýbektileriniń satyp alýdy júzege asyrýy qaǵıdalarynda shaǵyn jáne orta bıznesti qoldaý tetikterin («Samuryq-Qazyna» qory sekildi) qarastyryp, olardyń bir aı merzimde qabyldanýyn qamtamasyz etýdi tapsyrdy.
«Mınıstrler men ákimderge qazaqstandyq qamtý boıynsha kórsetkishterdiń jáne tıisti zańnamanyń oryndalýy boıynsha derbes jaýapkershilik artylady. 9 aıdyń qorytyndysy boıynsha jınalys ótkizemiz. Onda osy kórsetkishterdiń oryndalýyn qarastyramyz», — dep túıindedi Premer-Mınıstr.
