Kezdesý ınvestorlardyń halyqaralyq aptalyǵyna (World Investor ' s Week) oraılastyrylyp, baǵaly qaǵazdar jónindegi komıssııalardyń halyqaralyq uıymynyń (IOSCO) qoldaýymen ótkiziledi jáne halyqtyń ınvestısııalyq saýatyn arttyrýǵa baǵyttalǵan.
AHQO qarjylyq qyzmetterdi retteý jónindegi komıteti (budan ári-AFSA) 2018 jyldyń maýsymynda IOSCO assosıasııalanǵan múshesi retinde qabyldandy. IOSCO búkil álemdegi baǵaly qaǵazdar naryǵynyń retteýshi organdaryn biriktiredi jáne baǵaly qaǵazdar naryǵy úshin halyqaralyq standarttardy belgileıdi. IOSCO mindetterine ulttyq retteýshi organdarmen baǵaly qaǵazdar naryǵyn retteýdiń halyqaralyq tanylǵan standarttaryn ázirleý, engizý jáne saqtaýǵa járdemdesý jónindegi yntymaqtastyq kiredi.
Dástúrli túrde is-shara qazannyń birinshi aptasynda álemniń 80 elinde ótkiziledi. Maqsaty-ınvestısııalaýdyń negizderi týraly aqparatpen qamtamasyz etý jáne qarjylyq qyzmetterdi tutynýshylardy qorǵaý.
Bıyl halyqaralyq ınvestorlar aptalyǵy-2019 jáne AHQO 30 qyrkúıek pen 6 qazan aralyǵynda Qazaqstannyń 6 qalasynda – Petropavl, Aqtaý, Aqtóbe, Túrkistan, Almaty jáne Nur-Sultan qalalarynda ótedi.
AHQO halyqaralyq ınvestorlar aptalyǵynyń baǵdarlamasy akademııalyq jáne iskerlik toptar úshin prezentasııalar men aqparattyq sessııalar formatynda ótedi.
4 qazannyń birinshi jartysynda jastar men akademııalyq toptardyń qarjylyq jáne ınvestısııalyq mádenıetin qalyptastyrý jáne ınvestısııalaý negizderi týraly aqparattandyrý maqsatynda aımaqtyq joǵary oqý oryndarynyń stýdentteri men professor-oqytýshylar quramy úshin dárister ótedi. Sondaı-aq memlekettik qyzmetshiler-Qazaqstan Respýblıkasy Prezıdentiniń janyndaǵy Memlekettik basqarý akademııasynyń tyńdaýshylary úshin semınarlar ótedi.
Ekinshi jartysynda óńirlik bıznes úshin prezentasııa ótedi, onyń barysynda qarjy qyzmetterin tutynýshylardy qorǵaý, bıznes úshin AHQO múmkindikteri, jasyl jáne ıslam oblıgasııalaryn shyǵarý erekshelikteri, AHQO-da tirkeýdiń artyqshylyqtary men rásimi jáne ortalyqtyń bilim berý baǵdarlamalary týraly baıandalady.
Is-sharanyń spıkerleri qarjy qyzmetterin, qarjy tehnologııalaryn retteý, jasyl jáne ıslam oblıgasııalaryn shyǵarý, baǵaly qaǵazdar naryǵynda ınvestısııalaý, sondaı-aq úzdiksiz kásibı damý salasyndaǵy AHQO sarapshylary bolady.
