QYZYLAǴAShTA ALǴAShQY ÚIDIŃ IRGETASY QALANDY

Áńgime taǵy da Qyzylaǵash aýyly jaıly. О́tken beısenbide tasqynnan keıingi aýylda saly­na­tyn jańa úılerdiń qurylysyn bas­taý úshin oblys ákimi merdi­ger­lik jáne jobalaý uıymdarynyń jetekshilerimen kezdesken edi. Mun­daǵy qalpyna keltirý jáne qurylys jumystaryna 47 qury­lys, 5 jobalaý kompanııasy tar­ty­lypty. Memlekettik sáýlet-qurylys baqylaý basqarmasynyń, seısmologııalyq ǵylymı-zertteý ınstıtýty mamandarynyń qory­tyn­dysymen Qyzylaǵash aýylyn­da 423 turǵyn úı (479 páter) jáne aýyldyq ákimdik, mektep-ınter­nat, aýrýhana, mádenıet úıi, meshit ǵımarattarynyń búgingi jaıy zerttelipti. Qorytyndy boıynsha 9 turǵyn úı seısmologııalyq shydamdylyǵyn kúsheıtý jumys­tarynsyz, al 6 qoǵamdyq ǵımarat seısmologııalyq kúsheıtý jumys­tarymen kúrdeli jóndeý júrgizýge jaramdy dep tabylǵan. Qalǵan turǵyn úıler tolyqtaı buzylýǵa jatatyn bolypty. Aýyldyń bas josparyna sáı­kes jańa úıler sý qoımasynyń ba­tysyna qaraı  400 metr qa­shyq­tyqqa kóshirildi. Jumysty jedel­detý maqsatynda 26 qurylys kom­panııasy qalpyna keltirý, úıin­diler men qoqystan tazartý j­u­mys­taryn táýlik boıy jal­ǵas­tyrýda. “Aýyz sý” memlekettik baǵdarlamasymen  sý qubyrlaryn salýǵa aǵymdaǵy jylǵa 130 mln. teńge bólý josparlansa, bıýdjet­ten oǵan qajetti qosymsha 40 mln. teńge bólinip, sý júıesi toly­ǵy­men qaıta jasalyp, bul jumystyń da tııanaǵy keltiriletin boldy. Gazetimizdiń ótken sanynda aıtylǵan turǵyndar ótinishi oryn­dalyp, oblys ákiminiń sheshimimen kóktem egisine qajetti jer bólinse, oblys aýdandarynan  300 tonnadan astam tuqym jetkiziletini de halyqtyń erteńgi kúnge degen senimderin nyǵaıta tústi. Jańa úılerdiń qurylysy 2,5-3 aıda aıaqtalady dep josparlanýda. Qyzylaǵashtyqtar ómirinde qa­sıet­ti jumada taǵy jaǵymdy jańalyq bolyp, alǵashqy turǵyn úı qu­ry­lysynyń irgetasy qalandy. Shoqan Ýálıhanov kóshesindegi Nursultan Jumadildiń úıiniń ornyna jańadan qurylys salý jumysyn “ASK Aýyl­qurylys” jaýapkershiligi shek­teý­li seriktes­ti­gi­niń sáýlet­shi­leri bas­tap, ózderine tapsyrylǵan 11 úıdiń alǵash­qy­sy­nyń jumysyna kirisip ketti. Halyq úshin bul kún erekshe bolǵandyqtan oblys ákimi Serik Úmbetov sha­ra­nyń basy-qa­synan tabylyp, or­na­tylǵan qa­lypqa úı ıesimen birge qospany quıdy. Dástúrge saı qurban sha­lynyp, árýaqtarǵa Quran baǵysh­taldy. – Tarıhı Otanyma Qytaıdan kelip, taban tiregeli jeti jyl bolypty. Otbasymda 3 balam bar. Tasqynnan úı-múlkimiz bolmasa ózimiz japa shekken joqpyz. Búgin mine, jańa jobamen 4 bólmeli baspanamnyń qurylysy bastaldy. Olar turmysqa qajettilikterdiń barlyǵy qarastyrylǵan úıdi qysqa merzimde salamyz dep otyr. Bul jumysqa ózim de qolǵabys etemin. Jerlesterim Elbasyna alǵys aıtýda. О́ıtkeni, qıyndyǵymyzdy jurt jumyla kóterýde. Elinde júrgenniń ernine tıedi degen osy, dedi qandasymyz Nursultan Jumadil bizben áńgimesinde. Jabyrqaǵan kóńilderi sál bolsa da kóterilgen turǵyndar endi mundaı qıyndyq qaıtalanbasyn degen tilekpen bastamanyń baıandy bola­tynyna senimderin bildirip jatty. Kúmisjan BAIJAN, Almaty oblysy.