Vırtýaldy saıahat barysynda «Uly dalanyń jeti qyry» maqalasyna nazar aýdarylyp, qatysýshylar jylqynyń ulttyq rýhanııatqa, qazaqy jadyǵa, halyqtyq sanaǵa aınalyp ketkeni jóninde keńinen aqparat aldy.
Mádenı sharaǵa Qazaqstan halyq aǵartý isiniń úzdigi, Qazaqstan jýrnalıster odaǵynyń múshesi, tarıhshy, etnograf Muhametqazy Muhamadıuly, Abaı aýdanynyń turǵyny, jylqy sharýashylyǵynda 40 jyl eńbek etken zeınetker Shyńǵys Serikbaı, aqyn Qýandyq Kenjebekuly jáne Birjan Serikbaıuly qatysty.
Shara qonaqtary tarıhshy, etnograf Muhametqazy Muhamadıuly jylqy sharýashylyǵy men qolǵa úıretý tarıhynyń bastaýy Qazaqstan aýmaǵynda mádenıet retinde qalaı paıda bolǵany týraly aıtyp berdi, al Shyńǵys Serikbaı atqa miný mádenıeti týraly aıtyp, jylqy sharýashylyǵy tájirıbesimen bólisti. Shara slaıd-tusaýkesermen jáne beınerolıktermen súıemeldenip, jas aqyndar óleńderin oqydy.
Sońynda qatysýshylar óz urpaǵynyń laıyqty ókili bolý kerek ekenin, óz halqynyń, jalpy adamzattyń ótkeni men búgingi tarıhyn saqtap qalý týraly oılarymen bólisip, tilekterin jetkizip, «Er qanaty - at» atty kitap kórmesin tamashalady.
