Ekspedısııany mýzeı-qoryq dırektory tarıh ǵylymdarynyń doktory, professor Ábilseıit Muqtar bastap júr. Top quramynda mýzeı-qoryq qyzmetkerleri, UǴA korrespondent múshesi, geologııa-mınerologııa ǵylymdarynyń doktory, professor N.Seıtov, H.Dosmuhamedov atyndaǵy Atyraý memlekettik ýnıversıtetiniń professory, sýretshi O.Kendir, tarıh ǵylymdarynyń doktory S.Sapanov, tarıh ǵylymdarynyń doktory A.Ahmet, M.О́temisuly atyndaǵy Batys Qazaqstan memlekettik ýnıversıtetiniń geograf ǵalymy A.Turǵanbaev, jýrnalıster, ólketanýshylar bar.
- Ekspedısııa maqsaty - Joshy Ulysy -Altyn Orda tarıhyndaǵy astanalardyń ornynda ǵylymı zertteýler júrgizý. Osy saparda Astrahan, Volgograd mýzeılerimen birlesip jumystar atqarý úshin kelissózder júrgizemiz. Atyraý oblysy boıynsha týrızmdi damytý úshin týr kompanııalarymen kelisimshartqa otyramyz, - deıdi Ábilseıit Qapızuly.
Búgin halyqaralyq ekspedısııa Reseı Federasııasy Astrahan oblysy Volodar aýdanyna qarasty Altynjar aýylyna at basyn tirep, kúı atasy Qurmanǵazy Saǵyrbaıuly kesenesine zııarat etedi.
