Rektordyń aıtýynsha, bıyl týrızm mamandyǵyna 58 stýdent birinshi kýrsqa qabyldandy. Ýnıversıtette jalpy sany 156 stýdent týrızm mamandyǵyn meńgerýge kirisýde. Stýdentter týrızmi joǵary damyǵan Túrkııanyń bes juldyzdy qonaqúılerinen is tájirıbelerin shyńdaýda.
Forýmnyń basty maqsaty – oblys mártebesin alǵan Túrkistan óńirinde týrızmniń san salasyn damytyp, Túrki dúnıesiniń rýhanı ortalyǵyn jan-jaqty damytýǵa belsendi qatysý. Osy oraıda Djordj Vashıngton ýnıversıtetiniń «Halyqaralyq týrızmdi zertteý» ınstıtýtynyń dırektory, professor Selın Matýz «Mádenı týrızm máseleleri» taqyrybynda baıandama jasap, Qoja Ahmet Iаsaýı atyndaǵy halyqaralyq qazaq-túrik ýnıversıtetiniń birinshi vıse-prezıdenti professor Jengız Tomar óz oılarymen bólisti. Túrkistan oblystyq
týrızm basqarmasy basshysynyń mindetin atqarýshy Perızat Qonysbaeva «Túrkistan oblysynyń týrıstik múmkindikteri» taqyrybyndaǵy baıandamasynda óńirdiń týrızm salasyn damytýǵa áleýeti jetkilikti ekendigin alǵa tartty. Stýdentterdi týrızmdi damytýdaǵy tyń oılarymen qatar birlesken jobalardy júzege asyrýǵa shaqyrdy.
Ýnıversıtet rektory óz kezeginde qazirgi kezde stýdentterdiń týrızm salasy boıynsha kreatıvti ınnovasııalyq startap bastamalary bar ekendigin jetkizdi. Sonymen qatar saıahatshylarǵa Hantaǵyǵa geologııalyq týrıstik baǵdar ashýǵa, elimizdegi júzdegen ulttar men ulystardyń taǵamdyq týrızmin de usynýǵa bolatyndyǵyn atap ótti.
Forým sońynda elimizdiń qonaqjaı dástúrimen AQSh professory Selın Matýzǵa estelik syı-sııapat jasaldy. Tilshilerdiń «akademık Ádil Ahmetovtiń: «AQSh-taǵy úndister men qazaqtardyń tektik uqsastyǵy 70 paıyz» degen oıyna qosylasyz ba?», degen suraǵyna professor Selın Matýz: «Árıne qosylamyn. Jalpy, álemdegi ulttar men ulystardyń tegi bir. Sondyqtan bir-birimizden joǵymyzdy tabamyz. Sol arqyly rýhanı dúnıemizdi baıytamyz. Túrki dúnıesiniń rýhanı ortalyǵy bolǵandyqtan meniń ynta, qulshynysymnyń Túrkistanǵa aýyp otyrǵany sondyqtan» dep jaýap berdi. Muhıttyń arǵy jaǵy demeı, rýhanı týystaryn izdep kelgen Selın Matýz hanym aldaǵy ýaqytta Iаsaýı ýnıversıtetiniń qurmetti professory atanyp, halyqaralyq ýnıversıtettiń teorııalyq hám praktıkalyq dáriskeri bolýǵa da beıildi ekendigin bildirdi. Sondaı-aq Djordj Vashıngton ýnıversıteti men Qoja Ahmet Iаsaýı atyndaǵy halyqaralyq qazaq-túrik ýnıversıteti, Túrkistan oblysynyń týrızm basqarmasy Qazaqstan jáne Ortalyq Azııa aýmaǵy boıynsha týrızmdi damytý týraly memorandýmǵa qol qoıýǵa ýaǵdalasty.
Túrkistanda týrızm damysa, onymen ilese kólik tasymaly, qoǵamdyq tamaqtandyrý oryndary, qonaqúı qyzmetiniń sapasy da jaqsara túseri anyq. Endeshe, týrızmge beıim stýdent jastardyń aıy ońynan týǵaly tur.
Eskendir ERTAI
