Joǵary Eýrazııalyq ekonomıkalyq keńes aıasynda ótken kezdesý barysynda prezıdentter Qazaqstan men Belarýs arasyndaǵy kópjaqty yntymaqtastyqtyń ózekti máselelerin talqylady. Saýda-ekonomıkalyq qatynastar men halyqaralyq uıymdar aıasyndaǵy ózara is-qımylǵa basa mán berildi.
Qasym-Jomart Toqaev Aleksandr Lýkashenkonyń aldaǵy Qazaqstanǵa josparlanǵan saparynyń mańyzdylyǵyn atap ótti.
– Biz sizdiń Qazaqstanǵa resmı saparyńyzdy kútemiz. Oǵan jan-jaqty daıyndalyp jatyrmyz. Bizdiń memleketter arasyndaǵy qatynas strategııalyq sıpatta quralǵan. Qazaqstan belorýs halqynyń tarıhyn, mádenıeti men mentalıtetin qurmetteı otyryp, sizderge erekshe yqylas tanytady, – dedi Memleket basshysy.
О́z kezeginde Belarýs Prezıdenti aldaǵy Qazaqstanǵa sapary ekijaqty yntymaqtastyqtyń jańa kezeńiniń bastaýy bolatynyn atap ótti.
– Men sizge EAEO aıasynda birlese jumys istegenimiz úshin rızashylyǵymdy bildiremin. Bizdiń kózqarasymyz bir. Qazaqstanda syndarly ustanym bar. Sondyqtan ózara yntymaqtastyǵymyzdy damytýǵa daıynbyz. Biz eki el arasyndaǵy qarym-qatynastyń tamyryn tereńdete túsýge nıettimiz, – dedi Aleksandr Lýkashenko.
