Jaqynda Eńbek jáne halyqty áleýmettik qorǵaý mınıstrligi osy qyzmetterdi naqty ýaqyt rejıminde kórsetý mártebesin qadaǵalaı bastady. Búgingi kúni trekıng júıesinde Eńbekmın kórsetetin 18 qyzmet baqylanady. Olardyń arasynda memlekettik bazalyq zeınetaqy tólemin taǵaıyndaý, múgedektikti jáne/nemese eńbek etý qabiletinen aıyrylý dárejesi jáne/nemese qajetti áleýmettik qorǵaý sharalaryn aıqyndaý jáne taǵy basqalary bar. Bul rette mınıstrliktiń qyzmetkerleri naqty ýaqyt rejıminde qyzmet kórsetýdiń barlyq kezeńderin baqylaı alady. Keshigý nemese qyzmet kórsetpeý faktileri anyqtalǵannan keıin bolashaqta osyndaı jaǵdaılarǵa jol bermeý úshin qajetti sharalar qabyldanady.
Esterińizge sala keteıik, Eńbekmın 35 túrli qyzmettiń oryndalýyn baqylaýǵa alýdy josparlap otyr. Budan basqa, Mınıstrlik qyzmetkerleri naqty ýaqyt rejıminde kelip túsken jáne óńdelgen ótinimderdiń sanyn, olardyń qanshasynyń merzimi ótkenin jáne taǵy basqalaryn baqylaı alady. Aldaǵy ýaqytta bul derekter óńirlerde memlekettik qyzmet kórsetý sapasyn taldaý úshin negiz bolady.
