Qalalyq mobıldilik basqarmanyń málimeti boıynsha, bıyl aldyńǵy jyldarmen salystyrǵanda 4 ese kóp jol salynady. Jańa Almatyda alǵash ret jańa joldardyń basym bóligi paıda bolady. Alataý aýdanynyń 13 yqsham aýdanynda jáne Túrksib aýdanynyń bir yqsham aýdanynda 469 kóshege uzyndyǵy 121 km jol salynady. Munda 143,5 myńnan astam turǵyn turady.
Bul joldar «Saıaly», «Alǵabas-AZTM», «Aqbulaq», «Uljan-2», «Qarasý», «Kókqaınar», «Áıgerim-1», «Áıgerim-2», «Shańyraq-1», «Uljan-1», «Trýdovık», «Darhan-Baıbesik», «Shańyraq-2» jáne «Jas Qanat» yqshamdaryna tıesili.
Nátıjesinde bıyl Almaty joldarynyń uzyndyǵy 4%-ǵa artady.
Bulardan ózge 149 kóshede uzyndyǵy 139 km bolatyn joldardy jóndeý jumystary aıaqtaldy.
Sonymen qatar, Súıinbaı dańǵylyn Sholohov kóshesinen B. Hmelnıskıı kóshesine deıin rekonstrýksııalaý aıaqtaldy. Munda Sholohov kóshesinen solǵa qaraı burylyp kiretin 1,1 km jol salyndy.
Joldyń qozǵalys bóligine asfalt tóselip, solǵa qaraı burylys, trotýarlar, aryqtar jóndeldi, jaryq ornatyldy, ınjenerlik jeliler aýystyryldy jáne kógaldandyryldy. Jol jóndeý jumystary tolyǵymen aıaqtaldy.
ALMATY
