«Halqymyzdyń qaharman batyry Baýyrjan Momyshuly «О́mirge urpaq bergen analardy qandaı ardaqtasaq, sol urpaqty tárbıeleıtin ustazdardy da sondaı ardaqtaýǵa mindettimiz» degen eken. Jastar tárbıe men bilim berý isin tarazynyń basyndaı teń ustap, kreatıvti ıdeıalarymen qalanyń bilim salasynyń damýyna óz úlesterin qosady dep senemiz», - dedi Almaty qalasynyń ákimi Baqytjan Saǵyntaev.
Quttyqtaý sózden keıin jyldyń úzdik ustazdary men pedagog ujymy marapattaldy. Almaty qalasy boıynsha 205 mektep ishinen 10 bilim oshaǵy oza shapqan. Myqty dep tanylǵan ujymǵa jalaqylaryna qosymsha syıaqy alady. Sonymen qatar bıylǵy respýblıkalyq baıqaýǵa Almaty qalasynan 4 muǵalim qatysqan eken. Olarǵa Almaty qalasynyń ákimi baǵaly syılyqtar tabystady.
2019 jyl boıynsha úzdik muǵalim dep tanylǵan Janar Qusaıynova tilshilermen kezdesken kezde ustaz bolý, eń aldymen, júrektiń batyrlyǵy ekenin tilge tıek etip ótti.
Almaty qalasy Bilim basqarmasy basshysynyń orynbasary Lázzat Jylqybaevanyń aıtýynsha, úzdik pedagogıkalyq ujym baıqaýy Almaty qalasyna ǵana tán konkýrs eken. Ol 2012 jyldan beri uıymdastyrylyp keledi. Oǵan jergilikti bıýdjetten de qomaqty qarjy bólinip otyrady.
«Bul jerde Ustazdar kúni qarsańynda tolyqtaı bir ujym ózderiniń jalaqylaryna syıaqy alady. Shamamen jylda 10 mektep úzdik atanyp shyǵady. Bul maqsatqa jergilikti bıýdjet esebinen 130 mln tenge qarjy bólingen» deıdi Lázzat Jylqybaeva.
Eńbek eri Aıagúl Mırazova da bul baǵytta kóp tirliktiń beti qaıyrylǵanyn aıtyp ótti. «Sol sebepti aldaǵy ýaqytta ata-ananyń de mindetin, jaýapkershiligin arttyrý máselesi jobada qaralǵany durys. Sebebi balaǵa alǵashqy tárbıe otbasynda beriledi», - dep atap ótti ol.
Almatyda kolledj, balaqsha jáne metkep syndy 400-den astam bilim beretin mekeme bar. Onda 32 myńnan astam pedagog eńbek etedi. Búgingi aıtýly is-sharaǵa 3 myń ustaz qatysty.
Aıta keteıik, kelesi jyldan bastap Almaty ákimi Baqytjan Saǵyntaevtyń bastamasymen qalalyq deńgeıde úzdik muǵalimder baıqaýy ótkizilmekshi. Oza shyqqan mamanǵa kólik te tabystalmaq.
ALMATY
