Qazaqstandaǵy Fransýz Respýblıkasynyń Tótenshe jáne О́kiletti Elshisi Fılıpp Martınemen suhbat barysynda Premer-Mınıstrdiń orynbasary Roman Sklıar, búgingi kúnde Fransııa Qazaqstannyń negizgi 5 saýda-sattyq seriktesiniń birine kiretinin jáne elimizdiń ekonomıkasyna negizgi ınvestorlardyń biri ekenin, sondaı-aq, taýar aınalymy ósýiniń oń qarqynyn atap ótti. Sońǵy 14 jylda Fransııadan Qazaqstanǵa kelgen tikeleı ınvestısııalardyń jalpy kólemi 15 mlrd AQSh dollarynan asty.
Budan ózge, bıyl jeltoqsanda Fransııa Prezıdenti Emmanýel Makronnyń Qazaqstanǵa sapary josparlanǵan. О́z kezeginde bizdiń el oǵan úlken nazar aýdarýda, sondyqtan 8 qazanda Parıjde Qazaqstan-Fransýz bıznes-forýmynyń ótkizilýi Qazaqstan men Fransııa arasyndaǵy ekijaqty yntymaqtastyqty tereńdetýge múmkindik beredi.
Sonymen birge Belarýs Respýblıkasynyń Tótenshe jáne О́kiletti Elshisi Anatolıı Nıchkasovpen resmı kezdesý barysynda burynnan kele jatqan ekijaqty qatynastardyń damýynyń negizgi kezeńderi, EAEK sheńberindegi yntymaqtastyqtyń negizgi máseleleri, sondaı-aq, 2019 jylǵy 8-9 qazanda Nur-Sultan qalasynda josparlanǵan Qazaqstan-Belarýs saýda-ekonomıkalyq yntymaqtastyq jónindegi úkimetaralyq komıssııanyń 15-otyrysynyń ótkizilýine daıyndyq máseleleri talqylandy. Úkimetaralyq komıssııa sheńberinde Qazaqstan Respýblıkasy men Belarýs Respýblıkasy arasyndaǵy ónerkásiptik kooperasııa jáne tehnıkany jetkizý, mádenı-gýmanıtarlyq salalardaǵy mańyzdy máseleler, saýda-ekonomıkalyq yntymaqtastyq pen ony keńeıtý perspektıvalary jáne basqa suraqtar kóterilip, qaralatyn bolady.
Kezdesý qorytyndylary boıynsha taraptar tatý kórshilik qatynastardy damytýdyń oń vektoryn odan ári saqtap qalyp, olardyń nyǵaıýyna bar kúsh-jigerlerin salýǵa ýaǵdalasty.
