Shennon Ýoker 2010 jyly Baıqońyrdan ǵarysh keńistigine kóterilip, 163 kúndik ekspedısııada bolǵan. Shennon Ýoker Baıqońyrdan ushpas buryn RF aýmaǵynda uzaq ýaqyt daıyndyqtan ótkenin aıtyp berdi.
«Biz Reseıde túrli skafanderlerdi kııý, onymen jumys isteý turǵysynda kóptegen daıyndyq jumysyn júrgizdik. Olardyń keıbiriniń salmaǵy tipten 100 kelige deıin tartatyn. Men kishkentaı kezimnen ǵaryshker bolýdy armandadym jáne soǵan jettim», - dedi ol.
Jıyn barysynda ol qala turǵyndarynyń kóptegen suraǵyna jaýap berdi. Sondaı-aq ol “adamdar Marsty ıgerip, qala turǵyza ala ma?” degen suraqqa da jaýap berdi.
«Qazir Mars, Aı sııaqty ǵalamsharlar zerttelý ústinde. Olar Jerge qaýip tóngen kezde halyqty sonda kóshirý turǵysynda jasalyp jatyr. Qaı kezde ekeni belgisiz, túbi adamzat Marsty ıgeredi.
Qazaqstanda daryndy adamdar men bilikti mamandar kóp dep oılaımyn. Olarǵa óz múmkindikterin paıdalana bilýge jol ashý qajet, sonda eldiń bolashaǵy jarqyn bolady», - dedi NASA astronavty, ǵalym Shennon Ýoker.
ALMATY
