«Qadirli ustazdar! Sizderdi kásibı merekelerińiz - Ustazdar kúnimen shyn júrekten quttyqtaımyn! Álemdegi eń asyl mamandyq ıesi - Muǵalim. Sizder balalarǵa ómir boıy ózderimen birge alyp júretin, bolashaǵyn jáne shynaıy ómir joldaryn qalyptastyrýda eń qajetti bilimdi beresizder» dep jazdy mınıstr óziniń Facebook paraqshasynda.
Ol muǵalimderdiń qajyrly, qurmetti, jaýapty jumystary úshin alǵys bildirdi.
«Oqýshylardyń árqaısysyna degen meıirimdilik, parasattylyq jáne kásibılik sizderde jetkilikti, sonymen qatar, olarǵa degen mahabbattaryńyz júrekterińizden óshpesin. Bizdiń ómirimizde árqaısymyzdyń bilimge degen qushtarlyǵymyzdy oıata bilgen Ustazymyz bar desek, olarǵa ómir boıy alǵys bildirý mańyzdy dep esepteımin. Synypta otyrǵan ár oqýshy ózin daryndy, aqyldy jáne erekshe bala ekenin sezine bilse, muny muǵalimniń talanty dep bilýimiz kerek. Bizdiń elimizde talantty ustazdar óte kóp, olardyń arqasynda elimiz úlken jetistikterge jetýde» dedi A.Aımaǵambetov.
Eske sala ketsek, qazan aıynyń alǵashqy jeksenbisi el muǵalimderiniń kásibı merekesi retinde atalyp ótedi.
