Odan bólek, «Medeý» muz aıdynynda jalǵa berýshiler burynǵy konkılerdi jańartyp, jańalaryn satyp alǵan. Bılet berý júıesi de jańarǵan, ıaǵnı, búginde bıletti onlaın alýǵa da bolady.
«Muz aıdynynyń jumysy eki emes, úsh aýysymmen uıymdastyrylǵan. Muz jıi tazartylady, sonyń arqasynda onyń betinde syrǵanaý jaıly bolady. Aıdynnyń salqyn bóliginde fýdkort jáne demalys oryndary uıymdastyrylady.Basty maqsat - klıentterdi shoǵyrlandyrý jáne fýnksıonaldyq», – dep jazdy B.Saǵyntaev áleýmettik jelidegi paraqshasynda.
Sondaı-aq shahar basshysy muz aıdynynyń qala maqtanyshyna aınalǵan tarıhı sáýlet kelbeti qalpyna keltiriletinin aıta kelip, qala turǵyndary men qonaqtaryn 19 qazanda bolatyn muz aıdyny jańa maýsymynyń ashylýyna shaqyrdy.
