TIL – JASTARǴA AMANAT

Astana qalasy tilderdi damytý basqarmasynyń uıym­dastyrýymen “Isker” bıznes ortalyǵynda orys tildi jas­tardyń arasynda “Til – jas­tarǵa amanat” atty dóńgelek ústel ótti. Ony tele­jýrnalıst Maksım Nıkolaev júrgizip otyrdy. Dóńgelek ústeldiń maqsaty “Ulystyń uly kúni áz-Naýryz meıramy qarsańynda orystildi qazaq jastaryn jańarý men jańǵyrýdyń jarshysy jastyq jasampazdyqqa shaqyrý ári “Jer-Ananyń toń keýdesi jibip, tas emshegi ıigen” kúni qazaq jastary­nyń ana tiline degen qurmetin oıatý”, deıdi Astana qalalyq tilderdi damytý basqarmasynyń bastyǵy Orazkúl Asanǵazy. Búgingi tańda ana tilin úırene almaı júrgen jastardyń qoǵamdaǵy orny qandaı? Biz olardyń jaǵ­daıyn qanshalyqty túsinip júrmiz? Jastar, qazaq tili, amanat arqalaý tóńireginde oı qozǵaldy. Qoǵamnyń belsendi múshesi jastar ekeni anyq. Osy turǵydan kelgende, olardyń naqty usynystary men dáleldi oı-tolǵaýlary basty nysana boldy. Memlekettik tildi erkin meńgergen ózge ult jastarynyń ótkir pikirleri eshkimdi de beıjaı qaldyrmady. Sondaı-aq, orys tildi qazaq jastary­nyń da ana tiline degen súıispen­shilikteri atalǵan basqosýda sóılegen sózderinen baıqalyp otyrdy. Dóńgelek ústel otyrysyna Májilis depýtaty N.Sabılıanov, bel­gili ǵalymdar Amangeldi Aıta­ly, Muhamedııa Ahmetov sekildi til janashyrlary, sonymen birge qaladaǵy joo stýdentteri, bel­sendi jastar uıymdarynyń ókilderi qatysyp, ana tilimiz jaıyndaǵy oılaryn ortaǵa saldy. Ábdirahman QYDYRBEK. Astana.