«Sıbır» komandasy 8 myńǵa jýyq jankúıerdiń aldynda «Barys» komandasyna esh qarsylyq kórsete almady. Birinshi kezeńnen bastap basymdyqty óz qoldaryna alǵan elorda komandasy 0:2 esebimen jeńiske jetti. Komandalar alǵashqy kezeńde teń oınaǵanymen, kezdesýdiń ekinshi jáne úshinshi bóliginde «Barys» oıynshylary qarsylasynyń qaqpasyna eki shaıba soqty. Matchtyń 37-mınýtynda Korben Naıt mergendigimen kózge tússe, úshinshi kezeńniń 42-mınýtynda Arkadıı Shestakov esepti 2:0-ge jetkizdi.
Osylaısha «Barys» syrt alańda ótkizgen eki kezdesýinde de jeńiske jetti. Bul jeńisinen keıin «Barys» QHL-diń «Shyǵys» konferensııasynda 22 upaımen 3-orynǵa turaqtady. Endi otandastarymyz aldaǵy úsh kezdesýin «Barys Arenada» ótkizedi. Atap aıtar bolsaq, búgin Vladıvostoktyń «Admıralymen» kezdesse, 16 qazanda «Dınamo» (Rıga), 20 qazanda «Vıtıaz» (Máskeý oblysy) klýbymen kúsh synasady.
