“JAN JYLÝY”

taǵdyr tálkegine ushyraǵan   taǵy eki búldirshindi jebedi Naýryz merekesi qarsańynda “Qazaqstan” ulttyq telear­na­sy­nyń “Jan jylýy” áleýmettik baǵdarlamasy taǵy eki sábıdiń saýabyn alý úshin qaıyrymdylyq aksııasyn jalǵastyrdy. Baǵdar­la­ma maqsaty – múmkindigi shekteýli, ále­ý­mettik jaǵdaıy tómen, son­daı-aq jetim balalar men jalǵyz basty, kóp balaly analarǵa kómek kórsetý ekendiginen el qulaǵdar. Sonymen, bul jolǵy aksııaǵa Qazaq qatynas joldary ýnıver­sı­teti at salysyp, aksııa barysynda 2 mıllıon 253 500 teńge jınaldy. Endi jurttyń izgi nıetinen qu­ral­ǵan qarajatqa “Januıa” balalar kesheniniń tárbıelenýshisi 5 jastaǵy Mark pen Almaty oblysy Jambyl aýdany, Qasym­bek aýylynyń kishkentaı turǵyny Nur­lan Sho­qan-ǵa kúrdeli opera­sııalar jasalynady. Kishkentaı Mark dúnıege kelgende qudirettiń kúshimen bir qolynyń jáne aıaqtarynyń saýsaqtary jabysyp týady. Biraq, týǵan anasy sábıin bul kúıinde qabyldaı almaıdy. Tipti, balasyn emizýden de, kórýden de at tonyn ala qashyp, aqyr sońynda ózi jaryq dúnıege alyp kelgen nárestesinen bas tartyp, perzent­hanaǵa qaldyryp, júre beripti. Zań boıynsha tastandy ba­la­nyń ata-anasy men týǵan-týys­tarynyń sheshim qabyldaýy úshin alty aı ýaqyt beriledi. Biraq, osy alty aıda Marktiń artynan eshkim izdep kelmepti. Náreste túr­li aý-rýlarǵa shaldyǵyp, qatty qı­na­lady. Aýrýhana dárigerleri ba­lanyń ómirin saqtap qalyp, den­saýlyǵy jaqsarǵan Mark jeti aıdan soń jetimder úıine kelip túsedi. Jany jaısań, júregi jyly jandardyń arqasynda Mark aman-esen 4 jasqa tolyp, “Januıa” ba­lalar kesheniniń tabaldyryǵyn at­taıdy. Markti “Januıanyń” tárbıeshi­leri otandyq mamandardy shaqy­ryp, talaı-talaı pikirlesken de bolatyn. Mamandardyń pikirinshe, Marktiń qolyna kómek kórsetý múmkindigi bar. Al, aıaǵyna da operasııa jasaýǵa táýekel etýge bolatyn sekildi. Tipti bolmaǵan jaǵdaıda arnaıy protez jasaý kerek. Mark áli sábı, súıegi qatpaı turyp, erterek qımyl­daýǵa áli de múmkindik bar. Al, kútpegen jerden aıanyshty halge túskende Nurlan 3 jasta edi. Ata-ana úshin azapty kúnder 2003 jyldyń qyrkúıeginen bastaldy. Otbasyna qonaqqa kelgen týys­tardyń biri júgirip oınap júrgen Nurlandy basynan qysyp ustap bıikke kóterip, birneshe ret aınaldyryp oınaıdy. Balanyń jan daýysy shyǵady. Úlkender muny: “Jigit bolatyn bala da jylaı ma eken?!” dep, kúlkige aınaldyryp qoıa salady. Sol túni bala shyryldap jylap, “basym aýyryp barady” dep uıyqtaı almaı shyǵady. Al, ta­ńerteń kishkentaı Nurlan ornynan tura da, júre de almaı qalady. Osylaısha, bala úsh ja­synda kútpegen jerden opyq jedi. Qasirettiń qaıǵyly qushaǵyna qalaı kirip ketkenderin bilmegen ana men áke jan ushyryp dárigerlerge júgirdi. Mine, sodan beri jeti jyl ótti. Jeti jyl boıy Nurlan óz aıaǵymen jer baspady. Keshegi kishkentaı Nurlan búginde 10 jasqa keldi. Dárigerler tıisti zertteýler­den soń júıke-julyn júıesine travmalyq zaqymmen qosa kezindegi bala alǵan soqqy nátı­jesinde mıdaǵy qan aınalý júıesiniń buzylǵandyǵyn, sonyń saldarynan sal aýrýymen qatar epılepsııanyń týyndap otyrǵanyn dáleldeıtin sarap­tamalyq anyqtama beredi. Qaıyrymdylyq aksııasyna deıin, on jastaǵy Nurlan Shoqanǵa ómirlik múgedek bolyp qalý qaýpi tónip turǵan-dy. О́kinishke qaraı, Nurlanǵa otandyq medısına kómek kór­sete almady. Shet memlekette, Ýkraınada jasalatyn ope­ra-sııaǵa qarajat qajet boldy. Endi mine, eki balaqaıǵa da kóp­ten úmit etip kútken medı­sınalyq kómekti berýdiń kúni jetti. Izgi sharaǵa Aqjol Meıir­bekov, Maıra Ilııasova, Merýert Túsipbaeva syndy ánshiler men “Azııa”, “Rıngo” sııaqty estra­dalyq toptar atsalysty. Almaty.