Poıyz 70 shartty vagonnan turady. Uzynquramdy poıyzdardy qurý júkterdi jetkizý jyldamdyǵyn, lokomotıv ónimdiligin jáne poıyz salmaǵynyń kórsetkishterin jaqsartýǵa múmkindik beredi. Atalǵan tehnologııa sondaı-aq keri baǵytta da júzege asyrylady. Altynkól jáne Qorǵas shekaralyq stansalary arasynda poıyzdardy ótkizý jáne tasymal kólemi artady.
«QTJ-Júk tasymaly» AQ baspasóz qyzmetiniń habarlaýynsha, 2019 jyldyń 9 aıynda atalǵan shekaralyq ótpeden Qazaqstannan QHR-ǵa 390 myń tonnadan astam júk tasymaldansa, bul 2018 jyldyń sáıkes kezeńimen salystyrǵanda 54%-ǵa artyq. Keri baǵytta 2,5 mıllıon tonna júk tasymaldanyp, ósim 56%-dy qurady. Jyl saıyn konteınerlik poıyzdar sany arta túsýde. Aǵymdaǵy jyldyń 9 aıynda 1076 poıyz qabyldandy jáne óndeldi, bul ótken jyldyń sáıkes kezeńinen 48%-ǵa joǵary. Altynkól stansasy arqyly konteınerlik quramdar О́zbekstan, Iran, Aýǵan-stan, Ázerbaıjan, Grýzııa jáne Eýropa elderine jóneltilýde.
