Banktiń qazirgi jáne jańa baǵdarlamalarynyń arqasynda qala turǵyndary úshin turǵyn úıdiń qoljetimdiligi jyl saıyn artyp keledi. Bıyl Almatyda «Nurly jer» memlekettik baǵdarlamasy aıasynda 1 300 qala turǵyny baspanamen qamtamasyz etiledi.
Sonymen qatar 2019 jyldyń kókteminde Turǵyn úı qurylys jınaq banki tarapynan qanatqaqty rejımde «Baqytty otbasy» qalalyq baǵdarlamasy iske qosyldy. Onyń kómegimen 284 almatylyq otbasy nesıe alyp, jańa qonys ıesi atandy.
Buǵan qosa, taǵy 313 kópbalaly jáne tolyq emes otbasylar men múmkindigi shekteýli balalardy tárbıelep otyrǵan otbasylar «Baqytty otbasy» respýblıkalyq baǵdarlamasy aıasynda turǵyn úıge qol jetkizbek. Qazirgi sátte, olardyń nesıelik ótinimderi qarastyrylyp, nesıe berý prosesi júrgizilýde.
Alaıda memlekettik baǵdarlamalarǵa azamattardyń tek belgili bir sanaty ǵana qatysa alady jáne Turǵyn úı qurylys jınaq bankiniń barlyq salymshylary onyń talaptaryna sáıkes kelmeıdi. Sondyqtan bank óziniń barlyq klıentterin qoljetimdi baspanamen qamtamasyz etý maqsatynda «О́z úıim» baǵdarlamasyn júzege asyrýda. Atalǵan baǵdarlama salymshylarǵa naryqtaǵy úı qunynan tómen baǵamen kommersııalyq naryqta turǵyn úı satyp alýǵa múmkindik beredi.
-Qazirgi tańda bank Almaty qalasynda tıimdi sharttarmen baspanaǵa qol jetkizgizi kelgen bank klıentteri úshin 8 turǵyn úıdi usynady. Solardyń biri Jandosov kóshesiniń boıynda ornalasqan turǵyn úı kesheni. Bul nysandaǵy páterlerdiń 1 sh.m.-ń baǵasy 2019 jylǵy qazandaǵy málimetter boıynsha 365 000 teńgeni quraıdy. Al, biz ondaǵy 95 páterdiń 1 sharshy metriniń baǵasyn 260 000 teńgeden usynýdamyz. «О́z úıim» baǵdarlamasy boıynsha páter satyp alý úshin, bank nesıeni jyldyq 7% mólsherlememen beredi, ol keıinnen 5%-ǵa deıin tómendeıdi. Páterlerdi klıentter ózdiginen baspana.kz portalynda brondaı alady, - deıdi Turǵyn úı qurylys jınaq banki Almaty qalalyq fılıalynyń dırektory Gúlzat Sımtıkova.
Jandosov kóshesiniń boıyndaǵy turǵyn úı kesheni «Almaty» Áleýmettik-kásipkerlik korporasııasy» AQ-ń enshiles uıymy – «Almaty qalasy ákimdiginiń Kúrdeli qurylys kásiporny» JShS jelisi boıynsha salyndy. Turǵyn úı qurylys jınaq banki onymen yntymaqtastyq týraly kelisimge qol qoıdy.
-Úıdegi barlyq páterlerdiń aýmaǵy keń ári taza árleý kúıinde. Úı tolyqtaı paıdalanýǵa berilgen. Qazirgi tańda irgeles jatqan ýchaskeni abattandyryp, kommýnıkasııalardy qosý jumystary júrgizilýde, - dedi «Kúrdeli qurylys kásiporny» JShS bas dırektory Ádil Bórlibaev.
Jandosov kóshesiniń boıyndaǵy jańa keshen eski turǵyn úılerdiń ornyna turǵyzyldy.
«Almaty qalasy ákimdiginiń Kúrdeli qurylys kásiporny» ókili Aqylbek Baıdildaev qurylystardy buzý kezinde turǵyndar tarapynan túsinbeýshilik boǵlanyn eske túsirdi. Qazirgi turǵyn úı qurylysy boıynsha eń shaǵyn páterler 40 sharshy metrden bastalady. Al eski úıler súrilgen kezde 30-sharshy metrli eki bólmeli úıi bar turǵyndar jańa salynan úılerden kýái bólmeli páterler talap etken. Al jańadan salynǵan úılerdegi eki bólmeli páterler 40 sharshy metrden bastalady.
«Aradaǵy kelisimderden keıin turǵyndarmen artyq sharshy metrdiń aqshasyn tóleý týraly kelisimge keldik, onyń baǵasy turńyn úıdiń ornalasqan jeri men turǵyn úıdik kategorııasyna qarap belgilendi» deıdi A. Baıdildaev.
Qazirgi sátte qalada jalpy aýmaǵy 325,2 myń sharshy metrdi quraıtyn 948 eski úıler bar. Onda 8 910 otbasy ómir súrýde. Eski úılerdiń eń úlken aýmaǵy Túrksib aýdanynda ornalasqan. Onda jalpy alańy 135,5 sharshy metrdi quraıtyn 461 úı bar. Almaty terrıtorııasynda eski turǵyn úılerdi buzý baǵdarlamasy boıynsha 2012 – 2015 jyldary jalpy aýdany 21,9 myń sharshy metrdi quraıtyn 56 úı buzyldy, 469 otbasy basqa úıge qonys aýdardy, onyń ornyna jalpy aýmaǵy 176 myń sharshy metrdi quraıtyn 58 jańa úı salyndy.
Almaty
