Aıta keteıik, Memleket basshysy Qasym-Jomart Toqaev Qazaqstan halqyna arnaǵan «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» Joldaýynda Úkimetke jumys isteıtin azamattarǵa ózderiniń zeınetaqy jınaqtarynyń bir bóligin maqsatty paıdalaný máselesin pysyqtaýdy tapsyrǵan edi.
Otyrysqa Eńbek jáne halyqty áleýmettik qorǵaý mınıstri Birjan Nurymbetov,Bilim jáne ǵylym mınıstri Ashat Aımaǵambetov, Senat depýtaty Murat Baqtııaruly, Ulttyq bank tóraǵasynyń orynbasary Esjan Birtanov, «Atameken» UKP basqarma tóraǵasynyń orynbasary Iýlııa Iаkýpbaeva, memlekettik organdar men úkimettik emes uıymdardyń ókilderi qatysty.
Budan ózge, jumys tobynyń quramyna «Qazaqstan qarjygerleriniń qaýymdastyǵy» ZTB keńesiniń tóraıymy Elena Bahmýtova, «TALAP» qoldanbaly zertteýler ortalyǵy» QQ dırektory Rahym Oshaqbaev, «First Heartland Jysan Bank» AQ dırektorlar keńesiniń múshesi Bolat Jámishev, «KMG Injınırıng» JShS bas dırektorynyń keńesshisi Jaqsybek Kúlekeev, sonymen qatar, basqa da sarapshylar men qoǵam qaıratkerleri kiredi.
Otyrys barysynda «BJZQ» AQ basqarma tóraǵasy Janat Qurmanov Qazaqstandaǵy zeınetaqy júıesin damytýdyń keshendi taldamasy boıynsha aktýarlyq esep aıyrysý júrgizý nátıjelerimen tanystyrdy.
Boǵan qosa, qartaıýyna baılanysty eńbekke qabiletti halyqqa túsetin júktemeniń ulǵaıýy jaǵdaıynda úlestirý tıpi júıesinen jınaqtaýshy zeınetaqy júıesine kóshýdiń jahandyq betalystary baıqalady.
Eńbek jáne halyqty áleýmettik qorǵaý mınıstri Birjan Nurymbetov jumys tobyna turǵyn úı men bilim alý úshin zeınetaqy jınaqtarynyń bir bóligin maqsatty paıdalaný boıynsha usynystaryn usyndy.
Mindetti áleýmettik tólemderdi ýaqytyly ári tolyq tóleýge baqylaýdy kúsheıtý boıynsha qabyldanyp jatqan sharalar týraly Qarjy mınıstriliginiń Memlekettik kirister komıteti tóraǵasynyń orynbasary Talǵat Mamaev aıtyp berdi.
Otyrys kezinde atalǵan máseleler boıynsha syndarly talqylaý bolyp, tıisti usynystar berildi.
Osy jyldyń sońyna deıin jumys toby uzaqmerzimdi aktýarlyq modelderdi qurý negizinde zeınetaqy júıesin odan ári jetildirý boıynsha usynystar ázirleıdi.
