Qoǵam • 24 Qazan, 2019

«Aqparattyq tulǵany» qalyptastyrýdyń jańa jobasy jarııalandy

166 ret kórsetildi

Qazaqstanda postındýstrııaldyq «aqparattyq qoǵam» qalyptastyrý úshin aqparattyq tehnologııalardy engizý jetkiliksiz. Ol úshin qoǵamda áleýmettik úderisterde jańa qundylyqtarǵa negizdelgen aqparattyq mádenıet qalyptasýy qajet.

Ekonomıkany sıfrlandyrý júıeli baılanysqa, aqparatty taldaý men jınaqtaýǵa rýhanı daıyn «aqparattyq tulǵany» qalyptastyrmaı júzege aspaıtyny anyq. Biraq bizdiń búgingi qoǵamda bilim salasynyń aldynda mundaı mindet qoıylmaǵan ári tárbıelik máni bar mindetter joıylyp barady. Almatyda Qazaqstan Baspasóz klýbynda «Aspandau» ǵylymı-bilim berý qorynyń uıymdastyrýymen ótken aqparattyq qoǵam aǵartýshylarynyń jıynynda osyndaı keleli máseleler qozǵaldy.  

Saıasattanýshy, «Táýekelderdi baǵalaý toby» konsaltıngtik úkimettik emes uıymynyń dırektory Dosym Sátpaev aýqymdy nemese Qazaqstan deńgeıinde aqparattyq qoǵam máselelerin qozǵaǵanda aqparattyq keńistik búginde jahandy bir bútin keńistikte toǵystyryp otyrsa, endi bir jaǵynan qoǵamdy dinı, saıacı, etnosaralyq, t.b. jikke bóldi. О́ziniń bir maqalasyn «Jańa orta ǵasyr» dep kórsettim degen sarapshy, qoǵam tehnologııalardyń jańa bir formasyna kóshti degenimizben de búginde ǵalamda oryn alyp jatqan túrli qaıshylyqtar sol orta ǵasyr kezeńindegideı teke-tiresterge tap bolyp otyr. Ekinshi jaǵynan aqparattyq revolıýsııa kezeńinde bir kezderde bolmaǵan aýqymdy bilim keńistigine jol ashylsa, endi bir jaǵynan nadandyqtyń kórinisteri paıda bolyp barady, deıdi.

«Aspandau» Ǵylymı-bilim berý qorynyń prezıdenti, DBA Qanat Nurovtyń aıtýynsha,  búgingi kúni aqparattyq-kommýnıkasııalyq tehnologııalar búkil adamdardyń sanasyn jahandyq aqparattyq qaýymdastyq aıasynda biriktirýge zor múmkindikter berip otyr. Jahandanýdyń osy trendterine sáıkes kele otyryp, onyń qoǵamdyq sana men jeke tulǵa bostandyǵyn manıpýlıasııalaý túrindegi jaǵymsyz saldarynan qorǵaný maqsatynda Qazaqstan óziniń ulttyq mádenıetin jandandyryp qana qoımaı, ony aqparatttyq qoǵamnyń jańa qundylyqtarymen sáıkestendirýi qajet. Sondyqtan bilim, ǵylym, bıznes, óner salasyndaǵy tabysty qaıratkerler, sondaı-aq, úkimet pen azamattyq qoǵam ókilderi aqparattyq qoǵam aǵartýshylary retinde jahandanýdyń kereǵar yqpaldaryna qarsy tura alatyn «aqparattyq tulǵany» qalyptastyrýǵa atsalysýǵa shaqyra otyryp,  Qanat Nurov  qor tarapynan jaryq kórgen Aqparattyq qoǵam aǵartýshylarynyń Úndeýimen tanystyrdy.

Al «Atameken» UKP janyndaǵy Korporatıvtik basqarý jónindegi ulttyq keńestiń Baǵalaý jáne reıtıngter komıtetiniń múshesi Aıgúl Tasbolat,  kásipker, qoǵamdyq qaıratkeri Erlan Stambekov Aqparattyq qoǵam aǵartýshylarynyń Úndeýhatynda ashyp kórsetilgen maqsatty strategııalarǵa keńinen toqtaldy. Onyń barysynda  aldaǵy ýaqytta bilim berý júıesinde synı turǵyda oılaý qabiletin qalyptastyrý úshin tanymdy, adamdarda jalpyǵa ortaq qundylyqtardyń zaıyrly ári shynaıy júıesin, árbir adamnyń quqyǵyn saqtaýdyń irgetasy retinde erkin quqyqtyq sanany qalyptastyrý baǵytyndaǵy,t.b.  qadamdarǵa qol jetkizý kózdelgen.

Pýblısıst, kásipker, qoǵamdyq qaıratker, DBA Dana Ormanbaeva búginde qoǵamdaǵy tárbıe máselesiniń mańyzdyǵyna toqtalyp, ómirlik tájirıbesinen birenesh mysaldar keltirip ótti. Al quqyqtanýshy, «Ádilet» JQM aǵa oqytýshysy, IUSTUS zańgerlik keńes berýshiler palatasy tóraǵasynyń birinshi orynbasary Arman Shaıkenov «Kez kelgen memlekettik nemese halyqaralyq baǵdarlamalardy daıyndap, jańǵyrtý jaıly keńinen sóz qozǵap, saıası sahnadaǵy tulǵalardy aýystyryp-ózgertip, kez kelgen zańdardy qabyldaýǵa bolady, alaıda egerde elde azamattyq qoǵam bolmasa, budan túk nátıje shyqpaı, bos bir amalǵa aınalary sózsiz. Sondyqtan bizdiń  Ata zańymyzda aıtylǵandaı, qazirgi jáne bolashaq urpaq aldyndaǵy óz jaýapkershiligimdi túsine otyryp, men osy jarqyn aǵartýshylardyń tobyna úlken maqtanyshpen ári úmitpen qosylyp otyrmyn» dep atap ótti.

«Aspandau» ǵylymı-bilim berý qory jáne oǵan nıettes tulǵalar qoǵamdyq aǵartýshylardyń Úndeýhatyna qosylǵan barlyq bastamalar men jobalarǵa belsendi túrde aralasyp, olardy óziniń búkil uıymdyq, aqparattyq jáne basqa da qorlarymen qoldaýǵa daıyn ekendigin bildirdi. Memleket bar kúshin salyp otyrǵanyna qaramastan, otandyq bilim men ǵylym salasyndaǵy jaǵymsyz betalystarǵa qoǵamnyń kómeginsiz toıtarys berý múmkin emes. Azamattyq qoǵamdy osy saladaǵy máselelerdi sheshýge keńinen tartý arqyly qoǵamdyq túıkilderdi birlese sheshýge bolady.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar