Osyǵan deıin toǵyz jekpe-jek ótkizip, barlyǵynda basymdyq tanytyp, segiz qarsylasyn esinen tandyrǵan 21 jastaǵy qandasymyz bul jolǵy básekesin Kanadanyń Kvebek qalasynda ótkizdi. Ol 31 jastaǵy meksıkalyq Djon Navarretemen judyryqtasty. Qarsylasy sol kúngi deıin 51 ret sharshy rıngke kóterilip, 33 aıqasty óz paıdasyna sheshken. 15 kezdesýdi merziminen buryn aıaqtady. 16 ret jeńilip, taǵy eki jekpe-jekte teń esep tirkeldi.
Kvebektegi kezdesýdiń basynan-aq tizgindi óz qolyna myqtap alǵan Sadrıddın Ahmetov qarsylasyna ábden sastyrdy. Meksıkalyq boksshy da jankeshti eken. Ol qaısar qazaqtyń aýyr soqqylaryn ózine qabyldaǵanymen, kópke deıin shydap baqty. Biraq sońǵy segizinshi raýndaDjon Navarrete óziniń jeńilgenin moıyndap, rıngke shyǵýdan bas tartty.
