Biz olardyń basshysy, atalmysh uıymnyń tóraǵasy Olga Besedınadan Qyzyljarǵa kelý sebebin suraǵanymyzda ol «otbasylyq oqý men teatr mektebin qalaı qurý» jobasyn alyp kelgenderin aıtty. Munda biz Korneı Chýkovskııdiń balalarǵa arnalǵan «Qoltyraýyn» degen spektaklin qoıatyn bolamyz. Qoıylymǵa petropavldyq ónerpazdar da qatysady. Sonymen birge osyndaǵy bizben bir baǵytta jumys isteıtin ÚEU ókilderimen jáne Reseıdiń Qorǵan qalasynan kelgen ÚEU ókilderimen dóńgelek ústel ótkizip, tájirıbelerimizben almasatyn bolamyz. Sondaı-aq basqa da jobalarymyzdy tanystyrmaq nıetimiz bar. Sonyń ishinde «Soǵys jáne jeńis meniń otbasymnyń shejiresinde» degen jobamyzdy tanystyramyz. Bizdiń basty mindetimiz ózara tanystyqty jalǵastyryp, dostyqty tereńdetýge baǵyttalǵan», dedi ol.
Qonaqtar Salehardtan Reseıdiń oblys ortalyǵy Túmen qalasyna deıin ushaqpen, odan beri jeti saǵat boıy avtobýspen jol júrip kelgen eken. Bizge deıin bul ujym osyndaı mıssııamen Qyrǵyzstanda da bolypty. Salehardtan kelgen qonaqtardy Petropavl qalasy ákimdiginiń ókilderi qarsy alyp, sharalaryna qatysty.
Olga Besedına ózderiniń saparyn Túmendegi oblystyq syrtqy qatynastar departamenti qoldaıtynyn jetkizdi. Qazir Salehardta belsheden aq qar, qatty aıazdar turǵan kórinedi. «Sol sýyqtan biz sizderge ystyq sálem ákeldik», dedi delegasııa basshysy.
Qonaqtar Qyzyljardan erteń attanady. Qoǵamdyń uıymdardyń belsendiligi kórshi memlekette osyndaı qoldaýlar taýyp otyrǵan kórinedi.
