1963 jyly Aqmola oblysynyń Atbasar aýdanynda dúnıege kelgen Anatolıı Hrapatyı eseıe kele óz dáýiriniń teńdessiz aýyr atletteriniń biri boldy. 82,5 kılo, 90 kılo jáne 99 kılo salmaq dárejelerinde óner kórsetken ol 1988 jyly Seýl Olımpıadasynda bas júldeni oljalap,1996 jyly Atlanta Olımpıadasynda kúmis medaldi ıelendi. 1985-1995 jyldar aralyǵynda álemniń bes dúrkin chempıony atanyp, sol jarysta taǵy eki márte qola júldeni enshiledi. Eýropa birinshiliginde bes ret top jaryp, Azııa oıyndarynda eki márte ekinshi orynǵa taban tiredi. Álemdik rekordtardy birneshe ret jańartty.
Úlken sporttan qol úzgennen keıin Hrapatyı Qazaqstannyń ulttyq quramasynyń bas bapkeri bolyp birneshe jyl eńbek etti. Keıinnen jattyqtyrýshylyq mansabyn Armııashylardyń ortalyq sport klýbynda jalǵastyrdy.
2008 jyldyń 11 tamyzynda dańqty aýyr atlet Aqmola oblysy aýmaǵyndaǵy Arshaly kentinde jol apatyna ushyrap, sol jerde qaza tapty. Ol nebary 45 jasta edi...
